"მიხარია, რომ ის აღარ იტანჯება..." - მადონას უმცროსი ძმა 63 წლის ასაკში გარდაიცვალა: პოპის დედოფლის ემოციური გამოთხოვება კრისტოფერ ჩიკონესთან
პოპ ვარსკვლავ მადონას ძმა, კრისტოფერ ჩიკონე 63 წლის ასაკში გარდაიცვალა, ის ბოლო წლების განმავლობაში სიმსივნეს ებრძოდა. ვარსკვლავმა სოციალურ ქსელში ძველი ფოტოები გამოაქვეყნა და დაწერა, რომ მისთვის ყველაფერი გააკეთა, რაც შეეძლო.
"ჩემი ძმა კრისტოფერი აღარ არის. ის დიდხანს იყო ჩემთვის ყველაზე ახლობელი ადამიანი. რთულია ჩვენი კავშირის ახსნა“, - წერს მადონა.
მომღერალმა გაიხსენა, რომ ძმა კარიერის დასაწყისიდანვე გვერდში ედგა. ბავშვობაში ისინი ერთად დაინტერესდნენ ცეკვით, და როდესაც მადონამ ნიუ-იორკში გადასვლის გადაწყვეტილება მიიღო, კრისტოფერი მას გაჰყვა. ის მასთან ერთად გამოდიოდა სცენაზე, როგორც მოცეკვავე, შემდეგ კი რამდენიმე ტურნეს კრეატიული დირექტორი გახდა და ასევე იყო ინტერიერის დიზაინერი.
"ჩვენ ხელოვნებას, მუსიკას და კინოს ისე ვისრუტავდით, როგორც მშიერი ცხოველები. ჩვენ ყველაფრის ეპიცენტრში ვიყავით. ვცეკვავდით, დავდიოდით დაკრძალვებზე, ვიტირებდით და ისევ ვცეკვავდით. ჩვენ დავუპირისპირდით რომის კათოლიკურ ეკლესიას, პოლიციას, მორალურ უმრავლესობას და ყველა ავტორიტეტს, რომელიც თავისუფლებისას შემოქმედების გზაზე გადაგვიდგა! ჩემი ძმა ჩემს გვერდში იყო. მას საოცარი გემოვნება ჰქონდა. და ენა, რომელსაც ზოგჯერ ჩემს წინააღმდეგ იყენებდა, მაგრამ ყოველთვის ვპატიობდი ამას“, - დაამატა მადონამ.
კრისტოფერ ჩიკონეს და მადონას თავიდან იდეალური ურთიერთობა ჰქონდათ, მაგრამ როდესაც მომღერალმა ძმას მორიგი ახალი ტურნეს დირექტორობაზე უარი უთხრა, 2008 წელს კრისტოფერმა გამოსცა წიგნი, რომელშიც უამრავი ბრალდება წამოაყენა მის წინააღმდეგ. მომღერალი ამბობდა, რომ წიგნი არ წაუკითხავს, მაგრამ წუხდა იმით, რომ ძმა მისი სახელით ფულის შოვნას ცდილობდა. ვარსკვლავი აღნიშნავს, რომ კრისტოფერის დაავადებამ მათი ურთიერთობა დაათბო.
"როდესაც ჩემი ძმა დაავადდა, ერთმანეთს შევხვდით. ყველაფერს ვაკეთებდი, რომ მას დიდხანს ეცოცხლა. ბოლოს უმძიმეს მდგომარეობაში იყო. ჩავკიდებდით ხელებს, დავხუჭავდით თვალებს და წარმოსახვაში ვცეკვავდით. მიხარია, რომ ის აღარ იტანჯება…“
წაიკითხეთ ასევე: