პარტნიორები:
ავტორი:

დონალდ ტრამპი ქალაქ ბატლერში, სადაც მისი მოკვლა სცადეს, ელონ მასკთან ერთად გამოჩნდა - რატომ მოექცა მილიარდერი ყურადღების ცენტრში? (ვიდეო)

დონალდ ტრამპი ქალაქ ბატლერში, სადაც მისი მოკვლა სცადეს, ელონ მასკთან ერთად გამოჩნდა - რატომ მოექცა მილიარდერი ყურადღების ცენტრში? (ვიდეო)

“რესპუბლიკური პარტიის“ საპრეზიდენტო კანდიდატი დონალდ ტრამპი პენსილვანიის შტატის ქალაქ ბატლერში გამართული წინასაარჩევნო კამპანიის ფარგლებში ამომრჩევლებს შეხვდა.

აღსანიშნავია, რომ ეს ის ქალაქია, სადაც მასზე თავდასხმა განხორციელდა და 20 წლის თომას მეთიუ კრუკსი მის მოკვლას ცდილობდა. თუმცა მაშინ აშშ-ის ყოფილი პრეზიდენტი მსუბუქად დაიჭრა - ტყვიამ მხოლოდ ყური გაუკაწრა. გარდაიცვალა აქციის ერთ-ერთი მონაწილე გარდაიცვალა, თავდამსხმელი სპეცრაზმელებმა ადგილზე გაანეიტრალეს.

ამჯერად სცენა ტყვიაგაუმტარი მინებით იყო შემოღობილი. შეხვედრას პირველად დაესწრო მილიარდერი, SpaceX, Tesla და სოციალური ქსელი X -ის მფლობელი ელონ მასკი, რომელიც აქტიურად უჭერს მხარს ტრამპს.

ტრამპმა თავის გამოსვლაში 13 ივლისის მოვლენები გაიხსენა. ყოფილმა პრეზიდენტმა ასევე მადლობა გადაუხადა საიდუმლო სამსახურის თანამშრომლებს, რომლებიც მას იცავდნენ.

  • მხარდაჭერა ემოციურად და უჩვეულოდ გამოხატა ელონ მასკმა. მან ტრამპის ამომრჩევლებს მოუწოდა დარეგისტრირდნენ და მივიდნენ არჩევნებზე, რომელიც ზუსტად ერთ თვეში - 5 ნოემბერს გაიმართება.

მისი თქმით, თუ ტრამპი დამარცხდება, ეს შეიძლება იყოს "ბოლო არჩევნები" და თქვა, რომ “დემოკრატებს“ შეუძლიათ შეცვალონ კანონი და არ დათმობენ ძალაუფლებას. მსოფლიოს ყურადღება მასკის ემოციებმა მიიპყრო. ის სცენაზე ხტუნაობდა და გამარჯვების ყიჟინას სცემდა.

აღსანიშნავია, რომ ანალიტიკოსების აზრით, პენსილვანია, ერთ-ერთი საკვანძო შტატია აშშ-ს საპრეზიდენტო არჩევნებში. გამოკითხვები აჩვენებს, რომ პენსილვანიას, ისევე როგორც სხვა ექვს შტატს, ახლა არ აქვს გადამწყვეტი უპირატესობა არც ერთი კანდიდატისთვის.

წყარო

იხილეთ ასევე:

ტეგები თემაზე: