მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ ეხმაურებიან ეკა გიგაური და ხათუნა ლაგაზიძე ანტიკორუფციული ბიუროს გადაწყვეტილებას - “ჩვენ გავიმარჯვეთ, გაიმარჯვა საქართველოს სამოქალაქო საზოგადოებამ“
13:50 / 02-10-2024
“საერთაშორისო გამჭვირვალობა - საქართველო“ არჩევნებზე დაკვირვების კუთხით საქმიანობას გააგრძელებს - რაც შეეხება ანტიკორუფციული სამსახურის გადაწყვეტილებას, ყველაფერი, რაც პრესკონფერენციაზე ითქვა, ტყუილია“, - ამის შესახებ “საერთაშორისო გამჭვირვალობა - საქართველოს“ აღმასრულებელმა დირექტორმა ეკა გიგაურმა “ინტერპრესნიუსს“ განუცხადა.
მისი თქმით, ანტიკორუფციულ ბიუროს არ აქვს არანაირი სამართლებრივი არგუმენტი, რათა საზოგადოებას და საერთაშორისო სამართლებრივ მისიებს აუხსნას, რატომ შეუცვალეს მის ორგანიზაციას სტატუსი და რატომ აუკრძალეს არჩევნებზე დაკვირვება.
“რა თქმა უნდა, “საერთაშორისო გამჭვირვალობა - საქართველო“ გააგრძელებს თავის საქმიანობას არჩევნებზე დაკვირვების კუთხით. ჩვენ, რა თქმა უნდა, დავაკვირდებით არჩევნების დღეს უშუალოდ ჩვენი ქოლგის ქვეშ, თუმცა ასევე, უნდა გვახსოვდეს, რომ ჩვენ სადამკვირვებლო მისია “ჩემი ხმის“ წევრი ვართ, შესაბამისად, ჩვენ ამ არჩევნებს დავაკვირდებით ჩვენი კოალიციის ფარგლებში ჩვენს პარტნიორ ორგანიზაციებთან ერთად. გავაგრძელებთ ფუნქციონირებას ისე, როგორც ამას ვაკეთებდით რაც ჩვენი ორგანიზაცია არსებობს. ჩვენ ამ ქვეყანაში თითქმის ყველა არჩევნებს დავაკვირდით. გამოვიყენებთ ჩვენს ცოდნასა და გამოცდილებას, რათა მაქსიმალურად დაცული იყოს ჩვენი ამომრჩევლების ხმები. რაც შეეხება ანტიკორუფციული სამსახურის გადაწყვეტილებას, ცხადია, ისინი შეეცდებოდნენ, რომ გარკვეული არგუმენტები მოეძებნათ, თუმცა ყველაფერი, რაც პრესკონფერენციაზე ითქვა, ტყუილია. მათ არ აქვთ არანაირი სამართლებრივი არგუმენტი, რათა აუხსნან საზოგადოებას და საერთაშორისო სამართლებრივ მისიებს, რატომ შეგვიცვალეს სტატუსი და რატომ აგვიკრძალეს არჩევნებზე დაკვირვება. ამიტომ, ეს არის ჩვენი კოალიციის და ქართული სამოქალაქო სექტორის გამარჯვება. ჩვენ ვიცით, რომ ბრძოლას აქვს აზრი, ამიტომ კიდევ ერთხელ, ყველას მოვუწოდებთ, დარეგისტრირდნენ ჩვენს სადამკვირვებლო მისიაში და ყველა გავიდეს არჩევნებზე, რადგან ეს არჩევნები ძალიან მნიშვნელოვანია“,- განაცხადა ეკა გიგაურმა.
- ანტიკორუფციული ბიუროს მიერ გაუქმებულ გადაწყვეტილებას აფასებს “აირჩიე ევროპის“ ერთ-ერთი დამფუძნებელი ხათუნა ლაგაზიძე, რომელსაც პროცესი უშუალოდ შეეხო. მისი თქმით, ხელისუფლებას მოუწია სიმართლის აღიარება.
“თამამად შეგვიძლია გვთქვათ, რომ ჩვენ გავიმარჯვეთ და ჩვენი სახით გაიმარჯვა საქართველოს სამოქალაქო საზოგადოებამ და ქართველმა ხალხმა“, - განაცხადა ლაგაზიძემ ბრიფინგზე.
“მოგესალმებით გამარჯვებულების სახელით. ჩვენ, “აირჩიე ევროპა“ ვიყავით სახელმწიფო რეპრესიების პირველი სამიზნე. 6 სექტემბერს დაიწყო ეს რეპრესიები ჩვენს წინააღმდეგ და დღეს თამამად შეგვიძლია გვთქვათ, რომ ჩვენ გავიმარჯვეთ და ჩვენი სახით გაიმარჯვა საქართველოს სამოქალაქო საზოგადოებამ და ქართველმა ხალხმა. ძალიან მნიშვნელოვანია ეს გამარჯვება რამდენიმე ფაქტორის გამო. პირველყოვლისა იმიტომ, რომ ხელისუფლებას მოუწია ჩვენი სიმართლის აღიარება. მეორეს მხრივ, იმიტომ რომ ჩვენ ამით ვიხსენით საქართველოს ყველა მოქალაქე პოლიტიკური ტერორისგან და რაც მთავარია, ეს არის “აირჩეს ევროპას“ მიერ გადადგმული პირველი და ძალიან მძლავრი ნაბიჯი და აგური 26 ოქტომბრის საერთო სახალხო გამარჯვების გზაზე, საქართველოს გამარჯვების გზაზე,“ - განაცხადა ლაგაზიძემ.
ცნობისთვის, ანტიკორუფციულმა ბიურომ დღეს გადაწყვეტილება შეცვალა და “საერთაშორისო გამჭვირვალობა საქართველოს“, მის დირექტორს ეკა გიგაურს, ასევე ორგანიზაცია “აირჩიე ევროპას“, მის დამფუძნებელს ხათუნა ლაგაზიძესა და თანადამფუძნებლებს “გაცხადებული საარჩევნო მიზნის მქონე სუბიექტის“ სტატუსი გაუუქმა.
მანამდე, აღნიშნულის შესახებ ანტიკორუფციულ ბიუროს საქართველოს პრემიერ-მინისტრმა ირაკლი კობახიძემ მოუწოდა. კერძოდ, პრემიერმა გუშინ, ანტიკორუფციულ ბიუროს მიმართა, “საერთაშორისო გამჭვირვალობასა" და “გაცხადებული საარჩევნო მიზნის მქონე ორგანიზაციად აღიარებულ სხვა სუბიექტებთან“ დაკავშირებული გადაწყვეტილება შეცვალოს.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
