ინოვაციური მიდგომები სტომატოლოგიაში - "რიხტერის კლინიკა" დაფუძნებიდან ერთ წელში უცხოელი ვიზიტორების ყურადღების ცენტრში მოექცა

ინოვაციური სერვისები სტომატოლოგიაში, თანამედროვე ტექნოლოგიები, პროფესიონალთა გუნდი და პაციენტზე ორიენტირებული გარემო, - ეს „რიხტერის კლინიკაა“, რომელიც ერთი წლის წინ დაარსდა და სრულიად ახალი სტანდარტები დანერგა თავის სფეროში.

კლინიკის დირექტორმა, თამარ წიქარიშვილმა, რომელსაც სტომატოლოგიის სფეროში 25-წლიანი გამოცდილება აქვს, შეკრიბა პროფესიონალთა გუნდი უნიკალური ცოდნითა და გამოცდილებით და პაციენტების თანამედროვე საჭიროებებზე მორგებული სერვისები დანერგა.

„რიხტერის კლინიკის“ გუნდი

ხარისხიანი სერვისისა და ქართული სამედიცინო სფეროსთვის ინოვაციური მიდგომის წყალობით, „რიხტერის კლინიკამ“ მალევე მოიპოვა პოპულარობა როგორც ადგილობრივ, ისე უცხოელ პაციენტებში.

„კლინიკამ მოიზიდა მსხვილი კომპანიებისა და სხვადასხვა საელჩოების თანამშრომლები. უმაღლესი სტანდარტების მიღწევა „რიხტერის კლინიკაში“ არსებული ინფრასტრუქტურითა და მართლაც გამორჩეული გუნდით შევძელით. ჩვენს კლინიკაში ყველა პირობაა შექმნილი იმისათვის, რომ პაციენტმა თავი მშვიდად და კომფორტულად იგრძნოს. უცხოელი პაციენტების შემთხვევაში კი დიდი მნიშვნელობა აქვს იმას, რომ არ არსებობს ენობრივი ბარიერი“, - განმარტა კლინიკის დირექტორმა.

ვისაუბრეთ გამოწვევებზეც, რომელიც ერთგვარ შესაძლებლობებად იქცა და კლინიკის წარმატებაში მნიშვნელოვანი წვლილიც მიუძღვის:

„ერთ-ერთი თავდაპირველი დაბრკოლება, რაც „რიხტერის კლინიკას“ შეხვდა იყო მარეგულირებელის მოთხოვნების დაკმაყოფილება. კლინიკის გახსნას დაემთხვა გარკვეული ცვლილებები მარეგულირებელ კანონმდებლობაში. სამაგიეროდ, საგულდაგულო მომზადებამ კლინიკის წარმატებას საბოლოოდ ჩაუყარა საფუძველი. გარდა ამისა, პროფესიონალთა გუნდის შეკრებას განსაკუთრებული მუშაობა დასჭირდა. უმაღლესი დონის პროფესიონალების მოზიდვა გახსნამდე დაწყებამდე სამი-ოთხი თვით ადრე დავიწყეთ და ამ პროცესს დღემდე ვაგრძელებთ. ჩვენი მიზანია, ხელი შევუწყოთ ტალანტებს განვითარებაში და ახალ შესაძლებლობებს ვქმნით მათთვის.

ახლად გახსნილი კლინიკისთვის ასევე გამოწვევა იყო პაციენტების ნდობის მოპოვება. ჰოლისტური მიდგომითა და ყოვლისმომცველ მკურნალობაზე ფოკუსირებით შევძელით, დაგვეინტერესებინა პაციენტები, რომლებიც კომპლექსური სამედიცინო სერვისის მიღებას საჭიროებდნენ და ამასთანავე, ორიენტირებულები იყვნენ მაღალ ხარისხზე“, - განმარტა თამარ წიქარიშვილმა.

თამარ წიქარიშვილი - კლინიკის დირექტორი

„რიხტერის კლინიკის“ მთავარი მიზანია უმაღლეს საერთაშორისო სტანდარტებთან თავსებადობა და ინოვაციური მიდგომების დანერგვა.

კლინიკა იყენებს სხვადასხვა მოწინავე ტექნოლოგიას, მაგალითად ორალურ სკანერს მკურნალობის ვიზუალიზაციაში, ციფრულ სკანერს უფრო ზუსტი ინფორმაციის აღება-დამუშავებისთვის და შემდგომი სამუშაოებისთვის.

„სწორედ ამიტომ ადგილობრივი პაციენტების გარდა კლინიკას ჰყავს პაციენტები აშშ-დან, ბრიტანეთიდან, ავსტრალიიდან, უკრაინიდან, აზერბაიჯანიდან, ასევე ეგზოტიკური ქვეყნებიდანაც კი. „რიხტერის კლინიკაში“ პაციენტზე ორიენტირებული ზრუნვა ნიშნავს კომფორტული გარემოს შექმნას და სტრესის მინიმუმამდე შემცირებას, რომელიც ხშირად ასოცირდება სტომატოლოგიურ ვიზიტებთან. ეს გულისხმობს პაციენტების მოსმენას, მათი საჭიროებების გააზრებას და მათ ჩართვას გადაწყვეტილების მიღების პროცესში კლინიკა პრიორიტეტს ანიჭებს საფუძვლიან კომუნიკაციას, თუნდაც მკურნალობის შემდგომ, განაგრძობს პაციენტების მხარდაჭერას. რეგულარული შემოწმება და შემდგომი დაკვირვებები კიდევ უფრო აძლიერებს პაციენტთან კავშირს.“, - განაცხადა თამარ წიქარიშვილმა.

„რიხტერის კლინიკაში“ ხელმისაწვდომია თანამედროვე სტომატოლოგიური სერვისების სრული სპექტრი, რუტინული ჰიგიენიდან კომპლექსურ ესთეტიკურ სტომატოლოგიამდე, ღიმილის ტრანსფორმაციის ჩათვლით.

„ჩვენ დიდ მნიშვნელობას ვანიჭებთ პრევენციულ ზრუნვას, რათა პაციენტებს მომავალი გართულებების თავიდან აცილებაში დავეხმაროთ“, - აღნიშნა კლინიკის თანადამფუძნებელმა.

ქართული სტომატოლოგიური სფეროსთვის ინოვაციურია „რიხტერის კლინიკის“ მიდგომა ესთეტიკურ სტომატოლოგიასთან დაკავშირებით. ერთი მხრივ, სპეციალისტები ზრუნავენ როგორც პაციენტის კბილების სიჯანსაღესა და მიმზიდველ ღიმილზე და მეორე მხრივ სახის საერთო ესთეტიკაზე. კბილების მკურნალობისა და ვინირებისა თუ იმპლანტების ჩასმის პროცედურების დასრულების შემდეგ სპეციალისტთან კონსულტაციით პაციენტს შეუძლია მიიღოს ისეთი კოსმეტოლოგიური სერვისები, როგორიცაა ბოტოქსისა და ფილერების ინიექცია და სხვა. აღნიშნული სერვისები პაციენტს ეხმარება, ყველა საჭიროება ერთ სივრცეში დაიკმაყოფილოს.

როგორც დამფუძნებლები აღნიშნავენ „რიხტერის კლინიკის“ პერსონალი გადის რეგულარულ ტრენინგებს და ესწრება საერთაშორისო სემინარებს, რაც მათ კიდევ უფრო აძლიერებს.

სამომავლოდ, „რიხტერის კლინიკა“ გეგმავს სტომატოლოგიურ ტურიზმში გაფართოებას. მიზანი ისეთი საერთაშორისო პაციენტების მოზიდვაა, რომლებიც ეძებენ მაღალი ხარისხის სტომატოლოგიურ მომსახურებას კონკურენტულ ფასებში. ყოვლისმომცველი მკურნალობის პაკეტების შეთავაზებით, რომელიც მოიცავს მოგზაურობის მოწყობას და განთავსებას, კლინიკა იმედოვნებს, რომ გააძლიერებს ადგილობრივ ტურიზმს და მიაწვდის სრულყოფილ სტომატოლოგიურ მომსახურებას პაციენტებს მთელი მსოფლიოდან.

R