ხვალ მოსალოდნელია მზის რგოლისებრი დაბნელება - რა უნდა იცოდეთ მნიშვნელოვანი ასტროლოგიური მოვლენის შესახებ?
2024 წლის 2 ოქტომბერს მსოფლიო ორი მნიშვნელოვანი ასტროლოგიური მოვლენის მომსწრე გახდება: სასწორის ნიშანში მზის დაბნელებაცაა და ახალი მთვარეც. ამიტომ, როგორც ასტროლოგები ამბობენ, აღნიშნულ დღეს განსაკუთრებული ყურადღება უნდა გამოვიჩინოთ, რადგანაც თითოეულ ადამიანს მომატებული ემოციური ფონი ექნება.
მზის ამგვარ დაბნელება რგოლისებრს იმიტომ უწოდებენ, რომ იგი სრულად არ ბნელდება, არამედ რგოლისებრად, ჩანს მხოლოდ მისი კიდეები. თუ გაგიმართლათ, მზის რგოლისებრი დაბნელება გამოჩნდება მრგვალი ნარინჯისფერი წრის სახით, შუადღისას.
თუმცა, ცუდი ამბავი ის არის, რომ დედამიწის მაცხოვრებლების დიდი უმრავლესობა ამ სანახაობას ვერ იხილავს: ის ხილული იქნება მხოლოდ არგენტინისა და ჩილეს სამხრეთ ნაწილებიდან, ისევე როგორც აღდგომის კუნძულიდან წყნარი ოკეანის სამხრეთ-აღმოსავლეთით.
დაბნელების ნახვა შესაძლებელი იქნება სამხრეთ ამერიკის სხვა ნაწილებში, მათ შორის ბრაზილია, ეკვადორი, პარაგვაი და პერუ, ასევე ჰავაი და ახალი ზელანდია.
