ევერესტი სწრაფი ტემპით იზრდება - რა აღმოაჩინეს მეცნიერებმა მიზეზების შესწავლისას
მსოფლიოს ერთ-ერთი ყველაზე ცნობილი მთა - ევერესტი მოცულობასა და სიმაღლეში სწრაფი ტემპით იზრდება. მკვლევარების დაანგარიშებით, ბოლო 89 000 წლის განმავლობაში მთას 15-დან 50 მეტრამდე მოემატა.
- ჩინეთი-ნეპალის საზღვარზე არსებული ჰიმალაის მთის სისტემა დაახლოებით 50 მილიონი წლის წინ ჩამოყალიბდა, როდესაც ინდოეთის ქვეკონტინენტი ევრაზიის ტექტონიკურ ფირფიტას შეეჯახა - თუმცა ბოლო კვლევებმა აჩვენა, რომ ამ ფირფიტების კიდეები მოცულობაში იზრდება. მიუხედავად იმისა, რომ პროცესი ჯერ კიდევ გრძელდება, მთის ქედი აგრძელებს სიმაღლეში მატებას.
ექსპერტებმა მიზეზს მიაკვლიეს - მათი თქმით, მთა მეზობელი მდინარეების ეროზიის შედეგად იზრდება.
“რაღაც ანომალიაა, ევერესტის მწვერვალი დაახლოებით 250 მეტრით უფრო მაღალია, ვიდრე ჰიმალაის სხვა ყველაზე მაღალი მთები“, - განაცხადა კვლევის თანაავტორმა, პეკინში ჩინეთის გეომეცნიერებათა უნივერსიტეტიდან, ჯინგენ დაიმ.
მათი შედეგები ვარაუდობს, რომ დაახლოებით 89 000 წლის წინ მდინარე არუნის ზემო მონაკვეთი, რომელიც მდებარეობს ევერესტის ჩრდილოეთით, და რომელიც მიედინებოდა აღმოსავლეთით ტიბეტის პლატოზე, შეერწყა მის ქვედა მონაკვეთს, რის შედეგადაც ეს უკანასკნელი ჩრდილოეთისკენ გაიშალა. შედეგად, მდინარე არუნი მდინარე კოსის სისტემის ნაწილი გახდა.
ჯგუფი ვარაუდობს, რომ მარშრუტის შეცვლამ, გამოიწვია მდინარის ეროზიის ზრდა ევერესტთან და შესაბამისად, მოიმატა ყინულის საფარმა.