ბუნებრიობა მოდაში ბრუნდება - 57 წლის პამელა ანდერსონი კინოფესტივალზე მაკიაჟის გარეშე გამოცხადდა: "სიბერე ერთგვარი მოგზაურობაა. მირჩევნია, ჩემი ნაოჭები გამოვაჩინო"
57 წლის მსახიობი და ვარსკვლავი, პამელა ანდერსონი თაყვანისმცემლებმა “მსოფლიოს ყველაზე ლამაზ ქალად“ მას შემდეგ აღიარეს, რაც ესპანეთში 2024 წლის სან სებასტიანის კინოფესტივალზე, მისი მომავალი ფილმის, The Last Showgirl-ის წარდგენაზე, მაკიაჟის გარეშე გამოცხადდა.
მას ეცვა გრძელმკლავიანი, ყვავილებიანი კაბა და კამერების წინ საკმაოდ თავდაჯერებული ჩანდა. ვარსკვლავის აქსესუარს მხოლოდ პატარა ბრილიანტის საყურე შეადგენდა.
მოგვიანებით, ფილმის პრემიერაზე ანდერსონი წითელ ხალიჩაზე Elie Saab -ის სადა, ვარდისფერ კაბაში გამოწყობილი გამოჩნდა. მას ისევ არ ჰქონდა მაკიაჟი, თუმცა, წითელი ტუჩსაცხი ამშვენებდა.
სოციალურ ქსელებში, ღონისძიების ფოტოების გავრცელებისთანავე, ანდერსონის იმიჯმა თაყვანისმცემლები აღაფრთოვანა. თითქმის ყველამ ერთად აღიარა, რომ ის არის “ყველაზე ლამაზი ქალი მსოფლიოში“, რომელსაც ასაკთან ერთად არ დაუკარგავს ელეგანტურობა, ბუნებრიობა და სილამაზე. ამასთანავე, მსახიობი თავს არიდებს ზედმეტ კოსმეტიკურ ჩარევებს.
Baywatch-ის ვარსკვლავი ყურადღების ცენტრში შარშან მოექცა, როდესაც წვეულებაზე მაკიაჟის გარეშე გამოჩნდა.
-
"სასიამოვნოა დაბერება. ეს შვებაა"
ანდერსონმა Elle-თან ინტერვიუში მის არჩევანზე ისაუბრა და აღნიშნა, რომ მისი იმიჯი სინამდვილეში მჭიდრო კავშირშია მისი ახლო მეგობრისა და ვიზაჟისტის, ალექსის ვოგელის გარდაცვალებასთან. მისი თქმით, ალექსი იმდენად კარგი იყო თავის საქმეში, ცდილობს ტრაგედიის შემდეგ მაკიაჟი აღარ გაიკეთოს.
”ვფიქრობ, რომ ჩვენ ყველანი ვიღებთ ცოტა სასაცილო გამომეტყველებას, როდესაც ვბერდებით. რაღაცნაირად მეცინება საკუთარ თავზე, როცა სარკეში ვიყურები. ვეუბნები ჩემს თავს: “ნუთუ ეს მართალია... რა ხდება ჩემს თავს?" ეს არის ერთგვარი მოგზაურობა. მირჩევნია ჩემი ნაოჭები გამოვაჩინო. დაბერება სახალისოა. ეს შვებაა. გარკვეულ ასაკში მაკიაჟის გარეშე უფრო ახალგაზრდულად და სუფთად გამოვიყურებით", - თქვა მსახიობმა.
იხილეთ ასევე:
- არანაირი ბოტოქსი - როგორ ინარჩუნებს 56 წლის პამელა ანდერსონი სახის იდეალურ კანს? ვარსკვლავის კოსმეტოლოგი საიდუმლოს ამხელს
- "თავს ასე თავისუფლად ვგრძნობ" - ლეგენდარული პამელა ანდერსონი უმაკიაჟოდ და ქართველი ფოტოგრაფის ობიექტივში: ვინ არის დავით გიორგაძე, რომელმაც მსახიობს ფოტოები გადაუღო