“ვერასოდეს დავიჯერებ, რომ პრეზიდენტი პირწავარდნილი “ქოცი“ არ არის“ - იაგო ხვიჩია
“ვფიქრობ, რომ მისი ეს ვიზიტებიც “ქართული ოცნების" რაღაცნაირი გადაზღვევაა, თორემ ვერასოდეს დავიჯერებ, რომ პრეზიდენტი პირწავარდნილი “ქოცი“ არ არის, - ამის შესახებ “გირჩის“ დეპუტატმა, იაგო ხვიჩიამ ჟურნალისტებთან პრეზიდენტის გერმანიაში ვიზიტთან დაკავშირებით განაცხადა.
მისი თქმით, პრეზიდენტი მაშინაც “გასული“ იყო, როცა აირჩიეს.
“მგონია, რომ მისი დღევანდელი “გასულობა“ 2018 წლის “გასულობისგან“ არაფრით განსხვავდება, ის მაშინაც ასეთი შეარჩიეს. ვფიქრობ, რომ მისი ეს ვიზიტებიც “ქართული ოცნების" რაღაცნაირი გადაზღვევაა, თორემ, ვერასოდეს დავიჯერებ, რომ პრეზიდენტი პირწავარდნილი “ქოცი“ არ არის. რადგან რაც მას “ქოცებმა" და ბიძინა ივანიშვილმა სიკეთე გაუკეთეს, წარმოუდგენელი მგონია, ამხელა მადლს გადააბიჯოს და ღალატით უპასუხოს მიუხედავად იმისა, რომ ცდილობენ, თავიანთი "გასული" პრეზიდენტი რამენაირად ახლა ოპოზიციას "შემოგვტენონ", - განაცხადა იაგო ხვიჩიამ.