“ლიკვიდირებულია “ჰეზბოლას“ კიდევ ერთი მეთაური“ - ისრაელის თავდაცვის ძალები ცხელი წერტილიდან განახლებულ მონაცემებს აქვეყნებს
ისრაელის თავდაცვის ძალების ცნობით, ლიბანის დედაქალაქ ბეირუთში განხორციელებული საჰაერო იერიშის დროს “ჰეზბოლას“ კიდევ ერთი მაღალი თანამდებობის პირი, ნაბილ კაუკი დაიღუპა. ისრაელის არმიაში განმარტავენ, რომ კაუკი იყო “ჰეზბოლას“ უსაფრთხოების პრევენციული განყოფილების მეთაური და დაჯგფების ცენტრალური საბჭოს უფროსი წევრი.
“კაუკი პირდაპირ იყო ჩართული ისრაელის სახელმწიფოსა და მისი მოქალაქეების წინააღმდეგ ტერორისტული თავდასხმების მომზადებაში", - აცხადებენ ისრაელის თავდაცვის ძალებში.
“ისრაელის თავდაცვის ძალები გააგრძელებს ტერორისტული ორგანიზაცია “ჰეზბოლას“ მეთაურების ლიკვიდაციას და იმოქმედებს ყველას წინააღმდეგ, ვინც ისრაელის სახელმწიფოს მოქალაქეებს ემუქრება“, - აღნიშნულია ისრაელის თავდაცვის ძალების განცხადებაში.
- იქამდე კი ცნობილი გახდა, რომ ისრაელის თავდაცვის ძალებმა ლიბანში “ჰეზბოლას” კიდევ ათობით ობიექტს შეუტიეს.
“ბოლო რამდენიმე საათის განმავლობაში, ისრაელის თვითმფრინავმა “ჰეზბოლას“ ათობით ტერორისტულ ობიექტს დაარტყეს. გასული დღის განმავლობაში, დარტყმები განხორციელდა “ჰეზბოლას“ ასობით ტერორისტულ სამიზნეზე მთელს ლიბანში“, - აღნიშნულია ისრაელის არმიის ინფორმაციაში.
ისრაელის თავდაცვის ძალების ცნობით, დარტყმის სამიზნეები მოიცავდა გამშვებ პუნქტებს, შენობებს, სადაც იარაღები ინახებოდა და ტერორისტულ ინფრასტრუქტურას.
28 სექტემბერს გავრცელდა ინფორმაცია, რომ "ჰეზბოლას“ ლიდერი, ჰასან ნასრალა ბეირუთში “ჰეზბოლას“ მთავარი შტაბის დაბომბვის შედეგად დაიღუპა. ასევე, ისრაელის თავდაცვის ძალების ცნობით, ბეირუთში განხორციელებულ საჰაერო იერიშებს დაჯგუფების უფროსი მეთაური, ალი კარაკიც ემსხვერპლა.
პარასკევს ისრაელის შეიარაღებულმა ძალებმა ჰეზბოლას საკვანძო ობიექტებზე, მათ შორის ლიდერების შტაბ-ბინაზე, საჰაერო იერიში განახორციელეს, სადაც, მათი თქმით, იმალებოდა დაჯგუფების ერთ-ერთი ლიდერი, ჰასან ნასრალა.
პარასკევს ისრაელის შეიარაღებულმა ძალებმა ჰეზბოლას საკვანძო ობიექტებზე, მათ შორის ლიდერების შტაბ-ბინაზე, საჰაერო იერიში განახორციელეს, სადაც, მათი თქმით, იმალებოდა დაჯგუფების ერთ-ერთი ლიდერი, ჰასან ნასრალა.
საღამოს 5 საათზე რამდენიმე რაკეტა ჩამოვარდა ჰეზბოლას შტაბ-ბინაზე, რომელიც მდებარეობს ბეირუთში საცხოვრებელი კორპუსების ქვეშ. თავდაპირველად გავრცელდა ვარაუდი იმის შესახებ, რომ ნასრალა და მისი უმაღლესი მეთაურები ცოცხლები იყვნენ ან სასიკვდილოდ დაიჭრნენ.
ნასრალას დაღუპვით დასტურდება, რომ ეს ბოლო ათწლეულების ერთ-ერთი უმძიმესი დარტყმაა, რომელსაც ისრაელი "ჰეზბოლას" აყენებს. ჰასან ნასრალა ჰეზბოლას 1992 წლიდან მართავს, მას შემდეგ, რაც ისრაელმა ორგანიზაციის ყოფილი ლიდერი მოკლა.
იხილეთ ასევე:
- როგორ შეიტყუეს ნასრალა "სიკვდილის ხაფანგში" - ისრაელის მორიგი შთამბეჭდავი სპეცოპერაცია, რომელსაც ნეთანიაჰუმ მწვანე შუქი შტატებიდან აუნთო
- რა ელის ჰეზბოლას ჰასან ნასრალას გარეშე და ვინ არის მოკლულის “ტყუპისცალი“ ჰაშემ საფიდინი, რომელსაც დაჯგუფების პოტენციურ ლიდერად მიიჩნევენ - “მან მტრებს მოუწოდა, რომ “მოემზადონ ტირილისთვის“