“რა ფორმით შედგება შერიგება, თავად უნდა გადაწყვიტონ“ - ლავროვის განცხადებით, მოსკოვი მზად არის “საქართველოს, აფხაზეთს და სამხრეთ ოსეთს ურთიერთობების ნორმალიზების პროცესში დაეხმაროს”
რუსეთის საგარეო საქმეთა მინისტრის სერგეი ლავროვის განცხადებით, “მოსკოვი მზადაა საქართველოს, აფხაზეთს და სამხრეთ ოსეთს ურთიერთობების ნორმალიზების პროცესში დაეხმაროს, თუკი თავად ქვეყნები დაინტერესდებიან ამით“.
“თუ რა სახით და რა ფორმით შედგება ეს შერიგება, თავად ამ ქვეყნებმა უნდა გადაწყვიტონ. აფხაზეთიც და სამხრეთ ოსეთიც საქართველოს მეზობლები არიან…
თუ იქნება სამივე მხრიდან შერიგების ინტერესი - მზად ვართ დავეხმაროთ”, - განაცხადა ლავროვმა ჟურნალისტის შეკითხვის საპასუხოდ, რომელმაც სთხოვა პოზიციის დაფიქსირება საქართველოს ოფიციალური პირების განცხადებზე იმის შესახებ, რომ “ომი სააკაშვილმა დაიწყო“.
“მიგაჩნიათ თუ რა შესაძლებლად, რომ საქართველოს, სამხრეთ ოსეთსა და აფხაზეთს შორის, რაიმე სახის შეთანხმება შედგეს?“ - მიმართა მედიის წარმომდგენელმა ლავროვს.
“საქართველოს დღევანდელი მმართველობა უბრალოდ გულწრფელად აფასებს წარსულს. მათ თქვეს, რომ - “ჩვენ გვინდა ისტორიული შერიგება“, და რა ფორმით შეიძლება მოხდეს ეს შერიგება, ეს თავად ქვეყნებმა უნდა გადაწყვიტონ: ისინიც არიან მეზობლები საქართველოსთან, გარდაუვალია მათ შორის გარკვეული კონტაქტები. თუკი ყველა მხარის მხრიდან იქნება ურთიერთობების ნორმალიზების ინტერესი, ამ არააგრესიული შეთანხმებების უზრუნველსაყოფად, ჩვენ მზად ვიქნებით დაგეხმაროთ“, - განაცხადა ლავროვმა გაეროს გენერალური ასამბლეის 79-ე სესიის შემდეგ კონფერენციაზე.
მისი თქმით, ის, რომ “ომი მიხეილ სააკაშვილმა დაიწყო, ყველამ იცოდა, დასავლელი კოლეგების და ქალბატონი პრეზიდენტის, სალომე ზურაბიშვილის გარდა.“