ჯეი ზიმ P.Diddy-თან ახლო ურთიერთობის გამო 4 მილიონზე მეტი "გამომწერი" დაკარგა - ვის როგორ შეეხო სკანდალი ცნობილი რეპერის გარშემო?
უკვე რამდენიმე თვეა, რაც ცნობილი რეპერის, შონ ქომბსის, იგივე P Diddy-ს გარშემო სკანდალი გრძელდება - იგი სექსუალურ ტრეფიკინგში, ძალადობასა და ხალხის პროსტიტუციაში ჩართვაშია ბრალდებული.
როგორც ცნობილია, სექს წვეულებების დროს რეპერი კომერციულ სექსმუშაკებს და მსხვერპლებს აიძულებდა სექსუალურ აქტებში ჩართვას. ბრალდებაში ნათქვამია, რომ იგი მათ ვიდეოებს უღებდა და ამ კადრებს ინახავდა. ქომბსი დანაშაულს არ აღიარებს. ის ამჟამად ციხეში იმყოფება სასამართლო პროცესის მოლოდინში.
მედიაში ვრცელდება ინფორმაცია, რომ დაკავებულ რეპერზე 24-საათიანი დაკვირვება მიმდინარეობს, რათა თვითმკვლელობა არ სცადოს.
რა წერია სარჩელში?
გასულ თვეში, კომბსის ერთ-ერთმა ყოფილმა თანამშრომელმა, პროდიუსერმა და ვიდეოგრაფმა როდნი "ლილ როდ“ ჯონსმა, სასამართლოში 105 გვერდიანი საჩივარი შეიტანა. ჯონსი თავის საჩივარში ამტკიცებს, რომ მას აქვს „უტყუარი მტკიცებულებები ქომბსის წინააღმდეგ:
- ექსტაზის, კოკაინის, GHB-ის, კეტამინისა და მარიხუანას შეძენა, გამოყენება და გავრცელება;
- დაურეგისტრირებელი უკანონო ცეცხლსასროლი იარაღის შეძენა, შენახვა, გავრცელება;
- არასრულწლოვანებთან სექსუალური კავშირი.
ჯონსის თქმით, კომბსი მას 2022 წელს დაუკავშირდა და პროდიუსერობა შესთავაზა, თუმცა მისი მოთხოვნები მუსიკის წარმოებას სცილდებოდა: სარჩელში ის ამტკიცებს, რომ მას დაევალა ნარკოტიკების შესყიდვა და ქომბსისთვის სექს მუშაკების პოვნა. ჯონსის თქმით, რეპერი მას სექსუალური აქტების გადაღებას ავალებდა, წინააღმდეგ შემთხვევაში კი ფიზიკური ზიანის მიყენებით ემუქრებოდა. სარჩელში ნათქვამია ისიც, რომ ქომბსი ალკოჰოლში ექსტაზს ურევდა და სექს მუშაკებს მის დალევას აიძულებდა.
ჯონსი კომბსს სექსუალურ შევიწროებასა და შეურაცხყოფაში ადანაშაულებს. მისივე თქმით, რეპერმა იგი ერთხელ იახტაზე ოსკაროსან მსახიობ, კუბა გუდინგ უმცროსთან ერთად მარტო დატოვა, რომელმაც მისი სექსუალურად შევიწროება სცადა. ჯონსის მტკიცებით, კუბა გუდინგ უმცროსი მას "თეძოებზე ეფერებოდა" და მის გასაჩერებლად ძალის გამოყენება დასჭირდა.
კომბსის ადვოკატმა უარყო ბრალდებები და ჯონსის პრეტენზიებს "ტყუილი" უწოდა. "ეს ბრალდებები სუფთა ფიქციაა და სხვა არაფერია, თუ არა პოპულარობის მოპოვების მცდელობა. ჩვენ გვაქვს აბსოლუტური, უდავო მტკიცებულება იმისა, რომ მისი პრეტენზიები სრული სიცრუეა“, - თქვა "დიდის" ადვოკატმა შონ ჰოლიმ გასულ თვეში.
- ჯეინ დო VS შონ კომბსი
ამერიკელი მომღერალი ამტკიცებს, რომ 17 წლის ასაკში Bad Boys Records-ის ყოფილმა პრეზიდენტმა ჰარვ პიერმა გააუპატიურა - ეს უკანასკნელი კომბსის ახლო მეგობარია. დოი ამტკიცებს, რომ კომბსმა, პიერმა და კიდევ მესამე მამაკაცმა იგი თვითმფრინავით Diddy-ის სტუდიაში წაუყვანეს და ჯგუფურად გააუპატიურეს.
კომბსი და პიერი დანაშაულს უარყოფენ.
- P. Diddy და ჯასტინ ბიბერი
ვრცელდება ინფორმაცია, რომ წარსულში, როცა ჯასტინი ჯერ კიდევ ბავშვი იყო, რეპერის ერთ-ერთი მსხვერპლი გახდა. ეჭვები იმის შესახებ, რომ ბიბერიც P Diddy-სგან ძალადობის მსხვერპლია, მას შემდეგ გაჩნდა, რაც წლების წინ გადაღებული ვიდეო გავრცელდა. ვიდეოში ჩანს რეპერი 15 წლის ჯასტინის გვერდით და კამერაში ამბობს: "ის დიდისთან 48 საათს გაატარებს, რას ვაკეთებთ, ამას ვერ გავამჟღავნებთ. მაგრამ ეს ყველაფერი ნამდვილად 15 წლის ბიჭის ოცნებაა." ჰიპ-ჰოპის ვარსკვლავმა დაამატა: "მომდევნო 48 საათის განმავლობაში ის ჩემთანაა და თავიდან ბოლომდე გავიგიჟებთ თავს."
სოციალური ქსელის მომხმარებლები წერენ, რომ სამყარო მხოლოდ ახლა იაზრებს, რისი გადატანა მოუწია კანადელ მომღერალს, რომელიც 15 წლის ასაკში აღმოაჩინა შოუ ბიზნესის სამყარომ.
- კომბსის ბრალდებების სრული სია
მუსიკოსის წინააღმდეგ სექსუალური ძალადობის ბრალდებების სერია ჯერ კიდევ 1990-იან წლებში დაიწყო.
2023 წლის 16 ნოემბერს პროდიუსერს კასანდრა ვენტურამ უჩივლა, რომელიც ამტკიცებდა, რომ კომბსმა იგი 2018 წელს გააუპატიურა და მას შემდეგ, რამდენიმე წლის განმავლობაში, მისი მხრიდან სექსუალური და ფსიქოლოგიური ძალადობის მსხვერპლი იყო.
მოგვიანებით, ნოემბერში, ქალი, სახელად ჯოი დიკერსონ-ნილი, სასამართლოში ამტკიცებდა, რომ კომბსმა ის ნარკოტიკებით გააბრუა, შემდეგ სექსუალურად იძალადა და ყველაფერი ფარულად გადაიღო. დანაშაული 1991 წელს მოხდა.
კიდევ ერთმა დაზარალებულმა, რომელიც დანაშაულის ჩადენის დროს 17 წლის იყო, კომბსი ჯგუფურ გაუპატიურებაში დაადანაშაულა.
დიდის "თეთრ წვეულებებზე" დამსწრეთა სავარაუდო სიაში წარმოდგენილია ჰოლივუდის ცნობილი სახელები. მიუხედავად იმისა, რომ რამდენიმე ცნობილმა ადამიანმა დაადასტურა დიდის წვეულებებზე დასწრება, გაურკვეველი რჩება ვინ მონაწილეობდა სავარაუდო "Freak Offs" წვეულებებზე - სწორედ აქ ჰქონდა ადგილი საშინელ დანაშაულს.
P.Diddy-თან ახლო ურთიერთობის გამო სოციალურ ქსელში უარყოფით კომენტარებს უწერენ ბიონსეს, სკანდალის ფონზე 4 მილიონზე მეტი გამომწერი დაკარგა ჯეი-ზიმ. ასევე მედია აქტიურად ავრცელებს ცნობილების ფოტოებს, რომლებიც სკანდალურ P.Diddy-თან ერთ დროს პოზირებდნენ და ამ კადრებს საჯაროდაც "აფრიალებდნენ".
