ფეიკია ინფორმაცია, რომ თითქოს ლედი გაგა გიორგი ჩაკვეტაძის ფანია, თუმცა სიმართლეა, რომ "ჩაკვეს" ინგლისში თემურ ქეცბაია ესტუმრა
ჩვენში დიდი აღფრთოვანება გამოიწვია ინფორმაციამ, რომ თითქოს ლედი გაგა ქართველი ფეხბურთელის გიორგი ჩაკვეტაძის ფანია.
დღეს ლამის მთელი საქართველო აზიარებდა შემდეგი შინაარსის ფეიკ კომენტარს: "მე შენი ყველაზე დიდი ფანი ვარ და გამოგყვები მთელი ქვეყნის მასშტაბით! ჩაკვე ჩაკვეტაძე“.
დიახ, ეს ინფორმაცია ფეიკია და როგორც ირკვევა, პოსტი ხელოვნური ინტელექტის მიერ იყო გენერირებული.
ჩვენებური ისეთი მაგარი ბიჭია, სრულიად რეალური მალე ლედი გაგაც გაუმიჯნურდეს, მაგრამ ამ ეტაპზე, ვიდრე რაიმეთი აღვფრთოვანდებით, სჯობს კარგად გადავამოწმოთ ინფორმაცია.
თუმცა ფეიკი არ არის, რომ ვეტერანი ქართველი ფეხბურთელი თემურ ქეცბაია ესტუმრა "ჩაკვეს". ამის თაობაზე "უოტფორდის" ოფიციალური "ფეისბუქგვერდი" იუწყება.
არც ის არის ფეიკი, რომ ინგლისურმა კლუბმა ჩინებულ ფორმაში მყოფ გიორგი ჩაკვეტაძეს კონტრაქტი 2029 წლის ზაფხულამდე გაუგრძელა.
შეგახსენებთ, ჩაკვეტაძე ინგლისურმა კლუბმა იჯარით "გენტისგან" 2023 წელს აიყვანა, შემდეგ კი გამოისყიდა. გუნდის მწვრთნელმა ტომ კლევერლიმ ჩაკვეტაძესთან თანამშრომლობის გახანგრძლივებით აღფრთოვანება ვერ დამალა და ქართველი შეაქო:
"ფანტასტიკური მაგალითია ჩვენი ახალგაზრდა ფეხბურთელებისთვის იმისთვის, რათა კონცენტრირებული იყო იმაზე, რაც მართლაც მნიშვნელოვანია შენს ცხოვრებაში, თუ გინდა, პროფესიონალი გახდე. ის მშვიდია, გადამწყვეტი, თავისი პროფესიონალიზმით და შემართებით მისაბაძი, რომელიც პროგრესირებს და კლუბს წარმატების მიღწევაში ეხმარება".