მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჰეზბოლას" პეიჯერებში ლითიუმის ბატარეები დანაღმეს - რა ინფორმაციას ავრცელებს CNN-ი ლიბანში მომხდარ აფეთქებებზე?
18:46 / 27-09-2024
ლიბანის უსაფრთხოების ორი მაღალჩინოსნის თქმით, ისრაელმა პეიჯერების ბატარეებში ასაფეთქებელი ნივთიერება დამალა. ერთ-ერთი წყაროს თქმით, ასაფეთქებელი ნივთიერება პეიჯერის ლითიუმის ბატარეაში იყო მოთავსებული.
ლიბანის ჯანდაცვის ორგანოების ცნობით, აფეთქებების შედეგად სულ მცირე 37 ადამიანი დაიღუპა, მათ შორის რამდენიმე ბავშვი, დაშავდა თითქმის 3000. ისრაელს თავდასხმებზე პირდაპირ კომენტარი არ გაუკეთებია, მაგრამ CNN-ის ინფორმაციით, აფეთქებები ისრაელის სადაზვერვო სამსახურის, მოსადისა და ისრაელის სამხედროების ერთობლივი ოპერაციის შედეგი იყო.
ლიბანის უსაფრთხოების ერთ-ერთმა წყარომ განაცხადა, რომ ასაფეთქებელი მასალა პეიჯერებში იმდენად კარგად იყო დამალული, რომ მათი შემჩნევა შეუძლებელი იქნებოდა. მაგრამ არ დააკონკრეტა, თუ რა სახის შემოწმება გაიარეს მოწყობილობებმა მანამდე.
CNN-ის მიერ მოპოვებულ დოკუმენტში აღნიშნულია, რომ ლიბანის ხელისუფლების აზრით, მოწყობილობები აფეთქდა ელექტრონული შეტყობინების მიღებისას.
ზოგადად თვითნაკეთი ასაფეთქებელი მოწყობილობა ხუთი ძირითადი კომპონენტისგან შედგება: დენის წყარო, ინიციატორი, დეტონატორი, ფეთქებადი მუხტი და ყუთი ამ ყველაფრის დასაყენებლად. შონ მურჰაუსმა, ბრიტანეთის არმიის ყოფილმა ოფიცერმა თქვა, რომ პეიჯერების ასაფეთქებლად მხოლოდ დეტონატორი და ასაფეთქებელი მუხტი იქნებოდა საჭირო.
ლიბანის ხელისუფლებამ განაცხადა, რომ თავდასხმებში გამოყენებული მოწყობილობები იყო Gold Apollo Rugged Pager AR-924 პეიჯერები და ICOM IC-V82 ხელის რადიო გადამცემები. ICOM-მა თქვა, რომ IC-V82 მოდელის გამოშვება 10 წლის წინ შეწყვიტა. ყალბი ვერსიები ფართოდ არის ხელმისაწვდომი ელექტრონულ ვებსაიტებზე, როგორიცაა Alibaba. ლიბანის კომუნიკაციების სამინისტრომ განაცხადა, რომ თავდასხმებში გამოყენებული IC-V82 რადიო გადამცემები არ იყო ლიცენზირებული და შემოწმებული უსაფრთხოების სამსახურების მიერ.
ტაივანში დაფუძნებული Gold Apollo-ს თავმჯდომარე და დამფუძნებელი, ჰსუ ჩინგ-კუანგი, გასულ ხუთშაბათს დაკითხეს. CNN-თან და სხვა მედიასთან საუბრისას, მან კატეგორიულად უარყო ის ფაქტი, რომ პეიჯერები მის კომპანიას ეკუთვნოდა. მისივე თქმით, ისინი უნგრული ფირმის მიერ იყო წარმოებული.
ტაივანის პროკურატურა Gold Apollo-ს ოფისიდან მოპოვებულ დოკუმენტებს განიხილავს. გასულ ხუთშაბათს პროკურატურამ განაცხადა, რომ ”ჯერჯერობით არ იყო ნაპოვნი არანაირი მტკიცებულება, რომელიც მიუთითებს ტერაქტში ტაივანის მოქალაქეების რაიმე ტიპის მონაწილეობაზე ”.
იხილეთ ასევე:
- "ეს ომი იქნება უფრო მასშტაბური და დამანგრეველი" - ისრაელი "ჰეზბოლაზე" დიდი დარტყმისთვის ემზადება: რატომ დუმს ირანი და რისთვის უნდა მოემზადოს ახლო აღმოსავლეთი?
- "მესიჯი მიიღეს, რომელიც თითქოს მათი ლიდერებისგან მოდიოდა" - როგორ დაიგეგმა საუკუნის სპეცოპერაცია და რატომ იყენებს "ჰეზბოლა" პეიჯერებს
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
