ძვირადღირებული სასტუმროები, სპა პროცედურები და... - ნაომი კემპბელს საქველმოქმედო ორგანიზაციის ხელმძღვანელობა აეკრძალა თანხის არამიზნობრივად ხარჯვის გამო
სუპერმოდელ ნაომი კემპბელს საქველმოქმედო ორგანიზაციის ხელმძღვანელობა აეკრძალა, რადგან მაკონტროლებელმა ორგანომ დაადგინა, რომ საქველმოქმედო თანხები ძვირადღირებულ სასტუმროებსა და სპა პროცედურებზე იხარჯებოდა.
გამოძიებამ დაადგინა, რომ Fashion for Relief ქველმოქმედებისთვის განკუთვნილ თანხას არამიზნობრივად ხარჯავდა.
- "დასკვნების შესახებ ახლახანს შევიტყვე და ძალიან შეშფოთებული ვარ," - განუცხადა 54 წლის კემპბელმა სააგენტო AP-ს.
მისივე თქმით, თანხების ხარჯვას ის არ აკონტროლებდა.
კემპბელს აეკრძალა საქველმოქმედო საქმიანობაში მონაწილეობა ხუთი წლის ვადით, ხოლო ორ სხვა ადმინისტრატორს, ბიანკა ჰელმიხსა და ვერონიკა ჩოუს, ცხრა და ოთხი წლის ვადით.
- გამოძიებამ, რომელმაც შეისწავლა Fashion for Relief-ის ხარჯები 2016 წლის აპრილიდან 2022 წლის ივლისამდე პერიოდში, დაადგინა, რომ მოგროვებული თანხის 8.5% დაიხარჯა ქველმოქმედებაზე.
ტიმ ჰოპკინსმა, რომელიც საგამოძიებო ჯგუფის წევრი იყო, განაცხადა: "ადმინისტრატორები სამართლებრივად ვალდებულნი არიან, მიიღონ გადაწყვეტილებები, რომლებიც მათი საქველმოქმედო ორგანიზაციის საუკეთესო ინტერესებშია და დაიცვან თავიანთი სამართლებრივი მოვალეობები და პასუხისმგებლობები. ჩვენმა გამოძიებამ დაადგინა, რომ ამ საქველმოქმედო ორგანიზაციის ადმინისტრატორებმა ვერ შეძლეს ამის გაკეთება, რამაც გამოიწვია ჩვენი ქმედება, მათთვის დისკვალიფიკაცია მიგვეცა".
Fashion for Relief საქველმოქმედო ორგანიზაციების რეესტრიდან 2024 წლის 15 მარტს ამოიღეს.