"ხვალ ბოლო სამუშაო დღე მაქვს... გაკვირდებით, გიხარიათ თუ არა... ბოლო დღეებში შევმსუბუქდი და ხუმრობის ხასიათზე ვარ“ - თეა წულუკიანი (ვიდეო)

რეჟისორ გიზო ჟორდანიას საიუბილეო საღამოზე სიტყვით გამოსვლისას, თეა წულუკიანმა განაცხადა, რომ კულტურის მინისტრის პოსტზე ხვალ ბოლო სამუშაო დღე აქვს და თანამდებობას ტოვებს. ცნობისთვის ის "ქართული ოცნების" საპარლამენტო სიაშია.

• "დღეს ამ სცენაზე ვარ იმიტომ, რომ უნდა დაგემშვიდობოთ. ხვალ მე ბოლო სამუშაო დღე მაქვს“, - აღნიშნა წულუკიანმა და სცენაზე მყოფ ნიკოლოზ წულუკიძესაც მიმართა - "თან გაკვირდებით, გიხარიათ თუ არა“.

"რაც შეეხება ჩვენ ერთად მუშაობს, ამ 3 წლის განმავლობაში - თავიდან, სიურპრიზად, ელდა კი მეცა, მაგრამ ბოლო დღეებში შევმსუბუქდი და ხუმრობის ხასიათზე ვარ. მე არ ვიცი, პარლამენტში რა უნდა ვაკეთო და რატომ მეძახიან ჩემნაირ იურისტს. ცოტა მოხულიგნოს, ენას რომ ჯიბეში არ ინახავს - ეს ხანდახან პრობლემაა. დამიბარეს, მივდივარ და როლიც გაირკვევა, რა მაქვს მონიჭებული“, - თქვა თეა წულუკიანმა.

კულტურის მინისტრად თეა წულუკიანი 2021 წლის მარტში დაინიშნა.