“ჩვენ უნდა მოვემზადოთ ომისთვის“ - ალექსანდრე ლუკაშენკო
ბელარუსის პრეზიდენტმა ალექსანდრე ლუკაშენკომ ბრესტის ოლქის ობუზ-ლესნოვსკის სამხედრო პოლიგონზე, სამხედრო ჩინოვნიკებთან შეხვედრისას, გამაფრთხილებელი განცხადება გააკეთა. მისი თქმით, მიუხედავად იმისა, რომ ჯერ ვერ ხედავს რესპუბლიკის წინააღმდეგ ომის დაწყების ტენდენციას, საჭიროა ომისთვის მზადება დაიწყონ.
“თუმცა ღმერთმა ქნას, რომ ეს ომი არ დაიწყოს“, - დასძინა პირველმა პირმა.
ლუკაშენკოს შეხვედრაზე წარუდგინეს ახალი სამხედრო ობიექტები უპილოტო საფრენი აპარატების სფეროში. მან გაიხსენა, რომ რესპუბლიკამ უკვე ოთხჯერ განახორციელა არმიის რეფორმა. ახლა, მისი თქმით, ხელისუფლება "ალბათ მეხუთედ უახლოვდება საკუთარი შეიარაღებული ძალების მოდერნიზაციას".
“ძველი ფორმულაა: თუ გინდა მშვიდობა, მოემზადე ომისთვის. კიდევ ერთხელ მინდა ხაზგასმით აღვნიშნო, (თუმცა, არავის წინაშე არ გვაქვს თავი სამართლებელი), რომ ჩვენ არ ვაპირებთ ბრძოლას, არ გვინდა ომი... ეს ყველაფერი უკვე ითქვა. ჩვენი ოპონენტები, მეტოქეები ამას ისმენენ, მაგრამ საკუთარი საქმის კეთებას აგრძელებენ.
ესენი არიან ჩვენი მოწინააღმდეგეები, რომლებიც ჩვენს წინააღმდეგ საბრძოლველად ემზადებიან. ამიტომ, ჩვენ უნდა მოვემზადოთ ომისთვის! ღმერთმა ქნას, რომ ეს ომი არ მოხდეს“, - განაცხადა ალექსანდრე ლუკაშენკომ.
ამასთანავე, მიმდინარე წლის 2 ივლისს, ლუკაშენკომ განაცხადა, რომ საზღვარზე უკრაინის არმიის გააქტიურების გამო, გარკვეული ტიპის ჯარები მზადყოფნაში იყო მოყვანილი. 13 ივლისს, მან უბრძანა ჯარების გაყვანა მუდმივ განლაგების ადგილებზე და განმარტა, რომ დაძაბულობა უკრაინის საზღვარზე აღმოიფხვრილი იყო.