მნიშვნელოვანი ინფორმაცია
16
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ყოველი მესამე ბავშვი ახლომხედველია და ეს შესაძლოა, 2050 წლისთვის მილიონობით ბავშვს დაუდასტურდეს“ - სპეციალისტები განგაშის ზარს სცემენ: რას ურჩევენ ისინი მშობლებს?
11:32 / 25-09-2024
მეცნიერები განგაშის ზარს სცემენ - გლობალური ანალიზის თანახმად, დროსთან ერთად, ბავშვების მხედველობა სტაბილურად უარესდება. ყოველი მესამე ახლომხედველია და შორს საგნებს ვერ ხედავს.
ამის მიზეზად კვლევის ავტორები Covid-ის ჩაკეტვას ასახელებენ, მათი განმარტებით, იმ პერიოდში ბავშვები უფრო მეტ დროს ატარებდნენ ეკრანებთან და ნაკლებ დროს გარეთ, რამაც არსებული შედეგი გამოიწვია.
“ახლომხედველობა, ანუ მიოპია, მზარდი გლობალური პრობლემაა, რომელიც 2050 წლისთვის შესაძლოა მილიონობით ბავშვს დაუდასტურდეს. ყველაზე მაღალი მაჩვენებელი აზიაშია. კერძოდ, იაპონიაში ბავშვების - 85%, ხოლო სამხრეთ კორეაში - 73%.
40%-ზე მეტს დაუდასტურდა ჩინეთსა და რუსეთში. პარაგვაისა და უგანდააში ბავშვებს მიოპიის ყველაზე დაბალი დონე, დაახლოებით 1% დაუდასტურდა. პროცენტულმა მაჩვენებელმა დიდ ბრიტანეთში, ირლანდიასა და აშშ-ში დაახლოებით 15-ს მიაღწია“, - წერს BBC British Journal of Ophthalmology-ზე დაყრდნობით.
კვლევაში მონაწილეობდა ხუთ მილიონზე მეტი ბავშვი და მოზარდი ექვსივე კონტინენტის 50 ქვეყნიდან.
მათმა რიცხვმა გამოავლინა, რომ მიოპია 1990-დან 2023 წლამდე სამჯერ გაიზარდა. ზრდის ტემპი "განსაკუთრებით შესამჩნევი" იყო კოვიდ-პანდემიის შემდეგ.
მიოპია ჩვეულებრივ იწყება დაწყებითი სკოლის წლებში და უარესდება მანამ, ვიდრე თვალი არ შეწყვეტს ზრდას, დაახლოებით 20 წლის ასაკში.
კვლევის პროგნოზით, 2050 წლისთვის ამ მდგომარეობამ შეიძლება გავლენა მოახდინოს მოზარდების ნახევარზე მეტზე მთელი მსოფლიოს მასშტაბით.
როგორ დავიცვა ჩემი შვილის მხედველობა?
ბრიტანელი თვალის ექსპერტები გვირჩევენ, რომ ბავშვებმა ყოველდღიურად მინიმუმ ორი საათი უნდა გაატარონ გარეთ. ეს საჭიროა განსაკუთრებით შვიდიდან ცხრა წლამდე ასაკში.
ისინი მშობლებს ურჩევენ, რომ 7-დან 10 წლამდე შვილებს, შეუმოწმონ მხედველობა.
მიოპიის განკურნება შეუძლებელია, მაგრამ მისი გამოსწორება შესაძლებელია სათვალეებით ან კონტაქტური ლინზებით.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
