მამაკაცმა შეყვარებული მოკლა და ცხედარი ჩააბეტონა - 16 წლის შემდეგ გახსნილი სასტიკი დანაშაული სამხრეთ კორეაში
სამხრეთ კორეაში მამაკაცმა თავისი შეყვარებული მოკლა და ცხედარი დააბეტონა - საზარელი შემთხვევა 16 წლის წინ მოხდა. 50 წლის მამაკაცმა დანაშაული ცოტა ხნის წინ აღიარა.
მისი განცხადება, ყველაფერი შელაპარაკებით დაიწყო, რის შემდეგაც კაცმა მეგობარ ქალს თავში ბლაგვი საგანი ჩაარტყა, გვამი ჩემოდანში მოათავსა და აივანზე, აგურის და ცემენტის ფენის ქვეშ დამარხა.
ადგილობრივი მედიის ინფორმაციით, ცხედარი გასულ თვეს, ბინაში მიმდინარე სარემონტო სამუშაოების დროს, ერთ-ერთმა მუშამ იპოვა და პოლიციას შეატყობინა.
თითის ანაბეჭდის ანალიზის შედეგად გარდაცვლილი ქალის იდენტიფიცირება მოახერხეს. გაკვეთის შემდეგ დადგინდა, რომ იგი თავის არეში ბლაგვი საგნით მიყენებული ტრავმის შედეგად გარდაიცვალა.
დანაშაულში ბრალდებული მალევე იპოვეს და დააკავეს. პოლიცია მის ვინაობას არ ასაჯაროებს, თუმცა ცნობილია, რომ იგი 2016 წელს ნარკოდანაშაულის ბრალდებით გაასამართლეს. პოლიციაში აცხადებენ, რომ საგამოძიებო მოქმედებები გრძელდება და ბრალდებულს, სავარაუდოდ, მალე გაასამართლებენ.