რუსეთში მართლმადიდებლური მესენჯერი, სახელად "ზოსიმა" შეიქმნება
რუსეთში ტექსტური შეტყობინებებისთვის, მართლმადიდებლური მესენჯერი, სახელად "ზოსიმა" შეიქმნება. როგორც РИА Новости წერს, შეტყობინებების აპლიკაციის შექმნას გეგმავს ფონდი, რომელიც ეკლესიების რესტავრაციით არის დაკავებული.
- ფონდის პრეზიდენტი ალექსეი აგაფოვი ამბობს, რომ "ზოსიმა" ხელმისაწვდომი იქნება მობილურ პლატფორმებზე. მისივე თქმით, აპლიკაცია იქნება WhatsApp-ის მსგავსი, რომელიც რუსეთში აკრძალულია
"ეს იქნება მართლმადიდებლური მესენჯერი სახელად Зосима - წმინდანის პატივსაცემად. დასაწყისში ის შეიქმნა, რათა მომხმარებლებს ეკლესიის შესახებ ინფორმაცია გაეცვალათ, თუმცა ახლა უფრო მასშტაბურ სახეს მიიღებს, მათ შორის, შესაძლებელი იქნება შემოწირულობების შეგროვება ეკლესიისთვის", - ამბობს აგაფოვი.
ცნობისთვის, ზოსიმა სოლოვეცკი რუსეთის მართლამდიდებლური ეკლესიის წმინდანია, რომელიც მე-15 საუკუნეში მოღვაწეობდა.