ტრამპის საარჩევნო შტაბს ჯორჯიის შტატი და საქართველო აერია - საარჩევნო რეკლამაში შეცდომით, საქართველოს ფოტო ჩასვეს
აშშ-ის რესპუბლიკელი საპრეზიდენტო კანდიდატის დონალდ ტრამპის საარჩევნო კამპანიამ სოციალურ ქსელში რეკლამა განათავსა, თუმცა უხერხულ სიტუაციაში აღმოჩდნენ, რადგან ჯორჯიის შტატი და საქართველო აერიათ და შეცდომით, რეკლამაში საქართველოს ფოტო გამოიყენეს.
"ფოტოზე ჩანს აყვავებული თეთრი ყვავილები, ულამაზესი მთები, მწვანე ბორცვები.
თუმცა ეს არ არის ჯორჯიის შტატი, ფოტოზე აღბეჭდილი აღმოსავლეთ ევროპის ქვეყანა, საქართველო“, - წერს გამოცემა "ინდეფენდენთი“
Atlanta Journal-Constitution-ის ცნობით კი, ტრამპის გუნდში ვიღაცას საქართველო და ჯორჯიის შტატი აერია. მათივე ინფორმაციით, რეკლამაში Shutterstock-დან აღებული ფოტოა გამოყენებული.
