მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბექამ აღნიშნა, რომ კესარიას დედისა და დის მიმართ შეურაცხყოფა არ აპატია... მკვლელობის შემდეგ კი ჯაიანმა მედიკამენტები იყიდა, სავარაუდოდ თვითმკვლელობის მიზნით" - ახალი დეტალები
09:55 / 23-09-2024
სასტიკად მოკლული ტრანსგენდერი ქალი კესარია აბრამიძე გუშინ დაკრძალეს. ორი დღის წინ კი მკვლელობაში ბრალდებულ ბექა ჯაიანს სასამართლომ წინასწარი პატიმრობა შეუფარდა.
ცნობილია ისიც, რომ ჯაიანმა აბრამიძე წინასწარი განზრახვით მოკლა. ამას ადასტურებს ფაქტი, რომ მან იარაღი, დანა მკვლელობამდე ცოტა ხნით ადრე შეიძინა. სწორედ ცივი იარაღით მიაყენა მან ყოფილ შეყვარებულ 28 ჭრილობა.
"კურიერი PS"-ის ინფორმაციით, მკვლელობის შემდეგ ბრალდებულმა აფთიაქში მედიკამენტები იყიდა, სავარაუდოდ, თვითმკვლელობის მიზნით, თუმცა ჩხრეკის შედეგად ეს მედიკამენტები ჯაიანს პოლიციამ ვერ უპოვა.
რა მოხდა მკვლელობის შემდეგ?
მას შემდეგ, რაც ბექა ჯაიანმა განზრახვა სისრულეში მოიყვანა, ნათესავის სახლში სისხლიანი მაისური გამოიცვალა და გარეცხა. ტაქსით დიდუბეში გავიდა, იქიდან სარაჯიშვილის მეტროსთან. შემდეგ ტაქსი გააჩერა და 100 დოლარად წაყვანა სთხოვა სამეგრელოში. მანამდე აფთიაქში შევიდა და წამლები შეიძინა. ერთ-ერთი ვერსიით, თვითმკვლელობის მიზნით.
"ბრალდებული განმარტავს, რომ აფთიაქში შეიძინა მედიკამენტები, რომელიც სურდა თვითმკვლელობისთვის გამოეყენებინა, თუმცა ჩხრეკის შემდეგ ეს ნივთიერი მტკიცებულება არ არის ამოღებული. ის ცდილობდა დაეტოვებინა თბილისი და შემდგომ საქართველო. ჯაიანი ინტერესდებოდა აფხაზეთში გადასვლით" - ამბობს საქმის პროკურორი.
ბექა ჯაიანი სამტრედიაში დააკავეს. პოლიციის განყოფილებაში დანაშაული აღიარა. ჩვენებაში ამბობს, რომ ეჭვიანობდა ყოფილ შეყვარებულზე, ასევე აღნიშნა, რომ კესარიას დედისა და დის მიმართ შეურაცხყოფა არ აპატია.
ცნობისთვის, ტრანსგენდერი ქალი, კესარია აბრამიძე დიდ დიღომში, ავთანდილის ქუჩაზე მდებარე საცხოვრებელ სახლში რამდენიმე დღის წინ მოკლეს. მკვლელობის ფაქტზე სამართალდამცავებმა 26 წლის ბექა ჯაიანი დააკავეს. ბექა ჯაიანს სასამართლომ აღკვეთის ღონისძიების სახით პატიმრობა შეეფარდა. ბრალდება საქართველოს სისხლის სამართლის კოდექსის 109-ე მუხლის „თ“ და „მ“ ქვეპუნქტებით წარედგინა, რაც გენდერის ნიშნით, განსაკუთრებული სისასტიკით განზრახ მკვლელობას გულისხმობს და სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.
წაიკითხეთ ასევე:
- "მისი დანახვაც არ მინდა... მე არ მოვწონდი და ყველაზე მეტად მიხარია, რომ არ მოვწონდი... მინდა, დიდხანს იცხოვროს, გაიაზროს, როგორი ადამიანი გამოაკლდა სამყაროს" - კესარია აბრამიძის და
- "ყველაზე მეტი ჭრილობა სახის არეში ჰქონდა. ანუ ტიპი ფიქრობდა, თუ გადარჩებოდა კესარია, სამუდამო იარებით ყოფილიყო... წესიც კი არ აუგეს" - ნანუკა ჟორჟოლიანი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
