"კესარიას დაკრძალვაზე ტაქსით მივედი...ხალხის ნაკადში თვალი მოვკარი ჩემი მძღოლის დაღონებულ სახეს. ისიც შემოსულა კესარიას გასაცილებლად" - რას წერს ვიკა ბუკია
დღეს, 22 სექტემბერს ტრანსგენდერი ქალი, კესარია აბრამიძე დაკრძალეს. დაკრძალვაზე მოკლული ქალის ახლობლების, ოჯახის წევრებისა და მეგობრების გარდა სამოქალაქო პირები, ცნობილი ადამიანები, მომღერლები, რეჟისორები, ტელეწამყვანები იმყოფებოდნენ. დაკრძალვაზე მივიდა პრეზიდენტი
- დაკრძალვის შესახებ წერს ტელეწამყვანი ვიკა ბუკია და საზოგადოებას ასეთ ამბავს უზიარებს:
"კესარიას დაკრძალვაზე ტაქსით მივედი. მძღოლმა მკითხა ახალგაზრდა გარდაიცვალაო? ვუპასუხე კესარია აბრამიძის დაკრძალვაა მეთქი.
გადმომსვა. შევედი, წრე დავარტყი და წამოსვლის დროს, ხალხის ნაკადში თვალი მოვკარი ჩემი მძღოლის დაღონებულ სახეს. ისიც შემოსულა კესარიას გასაცილებლად", - წერს ვიკა ბუკია.
- ცნობისთვის, ტრანსგენდერი ქალი, კესარია აბრამიძე დიდ დიღომში, ავთანდილის ქუჩაზე მდებარე საცხოვრებელ სახლში რამდენიმე დღის წინ მოკლეს. მკვლელობის ფაქტზე სამართალდამცავებმა 26 წლის ბექა ჯაიანი დააკავეს. ბექა ჯაიანს სასამართლომ აღკვეთის ღონისძიების სახით პატიმრობა შეეფარდა. ბრალდება საქართველოს სისხლის სამართლის კოდექსის 109-ე მუხლის „თ“ და „მ“ ქვეპუნქტებით წარედგინა, რაც გენდერის ნიშნით, განსაკუთრებული სისასტიკით განზრახ მკვლელობას გულისხმობს და სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.
ნახეთ ასევე: