ვრცელდება ვიდეო, როგორ ყრიან სახურავიდან პალესტინელების ცხედრებს - უმძიმეს კადრებზე ისრაელის არმიამ გამოძიება დაიწყო

ისრაელის არმიამ გამოძიება დაიწყო მას შემდეგ, რაც მისმა ჯარისკაცებმა დაღუპული პალესტინელების ცხედრები სახურავიდან გადააგდეს - შემთხვევის ამსახველი ვიდეო ინტერნეტში გავრცელდა. კადრებში, რომელიც ჩრდილოეთ ქალაქ ქაბატიაშია გადაღებული, ჩანს, რომ გვამებს ისრაელის სამხედრო ბულდოზერი აგროვებს.

შემთხვევამ ფართო აღშფოთება გამოიწვია. ისრაელის თავდაცვის ძალებმა (IDF) პარასკევს განაცხადეს, რომ ეს იყო "სერიოზული ინციდენტი", რომელიც არ "შეესაბამებოდა" მის ღირებულებებს.

"ეს არის სერიოზული ინციდენტი, რომელიც არ შეესაბამება [ჩვენს] ღირებულებებს და ისრაელის სამხედროების მოლოდინებს. ინციდენტი განხილვის პროცესშია" - ნათქვამია განცხადებაში.

საერთაშორისო სამართლის მიხედვით, ჯარისკაცები ვალდებულნი არიან პატივისცემით მოეპყრონ გარდაცვლილებს.

თეთრი სახლის ეროვნული უსაფრთხოების სპიკერმა ჯონ კირბიმ კადრებს "ღრმად შემაშფოთებელი" უწოდა. „თუ კადრები ავთენტურია, ის აშკარად ასახავს არაპროფესიონალი ჯარისკაცების ამაზრზენ საქციელს“, - განუცხადა მან ჟურნალისტებს.

პალესტინის ოფიციალური პირები ამბობენ, რომ ხუთშაბათს, ისრაელის თავდასხმის შედეგად სულ მცირე 7 ადამიანი დაიღუპა. ერთ-ერთი დაღუპული შადი ზაკარნეა - "პასუხისმგებელი დასავლეთ სანაპიროს ჩრდილოეთ ნაწილში თავდასხმების მართვასა და განხორციელებაზე". ნათქვამია, რომ ის იყო "ტერორისტული ორგანიზაციის ხელმძღვანელი" ქაბათიაში, მაგრამ უცნობია, რომელ ჯგუფს მიეკუთვნებოდა.

ჰამასის ჯანდაცვის სამინისტროს ცნობით, ისრაელის სამხედრო მოქმედებების შედეგად, ღაზაში 41 000-ზე მეტი პალესტინელი დაიღუპა.

წყარო