მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ისრაელმა ბეირუთს დაარტყა, იუწყებიან 12 ადამიანის, მათ შორის "ჰეზბოლას" ერთ-ერთი ლიდერის გარდაცვალების შესახებ - ლიბანში აცხადებენ, რომ "ქვეყანა უარესისთვის უნდა მოემზადოს"
22:17 / 20-09-2024
ისრაელის თავდაცვის ძალებმა ბეირუთზე მიიტანეს იერიში. თავდასხმა ადგილობრივი დროით დაახლოებით 16:00 საათზე მოხდა - ლიბანის ჯანდაცვის სამინისტროს ცნობით, შემთხვევას 12 ადამიანი ემსხვერპლა, 66 კი დაშავდა. ისრაელის არმიის ცნობით, დაღუპულია "ჰეზბოლას" ოპერაციების მეთაური იბრაჰიმ აკილი. IDF-ის ცნობით, დარტყმის შედეგად ასევე დაიღუპნენ "ჰეზბოლას" მაღალი რანგის სხვა ლიდერები, რომლებიც მიეკუთვნებოდნენ ლიბანური დაჯგუფების სპეცდანიშნულების ქვედანაყოფ ალ-ჰაჯ რადვანს. აკილი ხელმძღვანელობდა "ჰეზბოლას" სამხედრო ოპერაციებს. სხვა საკითხებთან ერთად, ის ცნობილია 1983 წელს ბეირუთში აშშ-ს საელჩოსა (სადაც დაიღუპა 63 ადამიანი) და ბეირუთშივე ამერიკელი და ფრანგი ჯარისკაცების ყაზარმების (მაშინ 307 ადამიანი დაიღუპა) აფეთქებებში მონაწილეობით. 2019 წელს შეერთებულმა შტატებმა აკილი ტერორისტების სიაში შეიყვანა, ხოლო 2023 წელს ამერიკის სახელმწიფო დეპარტამენტმა გამოაცხადა, რომ გადაიხდიდა 7 მილიონ დოლარს მისი ადგილსამყოფლის შესახებ ინფორმაციისთვის.
შემთხვევის ადგილიდან გავრცელებული კადრებით თუ ვიმსჯელებთ, თავდასხმის შედეგად რამდენიმე შენობა და მანქანა დაზიანდა.
ყოვლისმომცველი ომის მზარდი შიშის ფონზე, ლიბანის ჯანდაცვის მინისტრმა ფირას აბიადიმ განაცხადა, რომ "ლიბანი უარესისთვის უნდა მოემზადოს".
”ვფიქრობ, უარესი სცენარისთვის უნდა მოვემზადოთ,” - ამბობს ის - ”ბოლო თავდასხმით ცხადი გახდა, რომ ისრაელი კონფლიქტის მოგვარების დიპლომატიურ გზებს არ ეძებს. ჩვენი მთავრობის პოზიცია ნათელია - ლიბანს ომი არ სურს".
ამას კი წინ უსწრებდა სამშაბათს ჯერ განვითარებული პროცესები, როდესაც ლიბანის მასშტაბით, ათასობით პეიჯერი აფეთქდა, ოთხშაბათს კი ამას რადიო გადამცემების აფეთქებაც მოჰყვა, ორივე შემთხვევაში სამიზნე "ჰეზბოლას" წევრების იყვნენ. დაიღუპა 37 ადამიანი და დაშავდა 2600-ზე მეტი. ვარაუდობენ, რომ თავდასხმების უკან ისრაელი დგას, თუმცა მის წარმომადგენლებს ამას არ ადასტურებენ. ორშაბათსვე ისრაელის თავდაცვის მინისტრმა იოავ გალანტმა გამოაცხადა "ომის ახალი ეტაპი".
"ჰეზბოლას" ლიდერის, ჰასან ნასრალას თქმით, ისრაელმა "ყველა ზღვარი გადალახა". მან აღიარა, რომ პეიჯერების აფეთქებები ჯგუფისთვის უპრეცედენტო დარტყმა იყო, თუმცა ორგანიზაციის მისი კონტროლისა და კომუნიკაციის უნარი ხელუხლებელი დარჩა. მისივე თქმით, მომხდარზე გამოძიება უკვე დაიწყო. ასევე განაცხადა, რომ ისრაელზე თავდასხმები ღაზაში სამხედრო ოპერაციის დასრულებამდე გაგრძელდება. "ამ შეტევებით ისრაელმა "ჰეზბოლას" პროვოკაციული სიგნალები გაუგზავნა, რამაც შეიძლება გაზარდოს რეგიონული კონფლიქტის ესკალაციის ალბათობა", - თქვა ამჯად ერაყიმ, Chatham House-ის ახლო აღმოსავლეთისა და ჩრდილოეთ აფრიკის პროგრამის თანამშრომელმა. ექსპერტთა ნაწილი მიიჩნევს, რომ "ჰეზბოლას" ახლა შეუძლია შეუტიოს ისრაელს, ამ უკანასკნელს კი შეუძლია, რომ ამას უპასუხოს ლიბანში სახმელეთო შეჭრით.
კიდევ ერთი ვერსიის თანახმად, თავდასხმებმა შეიძლება შეასუსტოს "ჰეზბოლა" და კონფლიქტი ნაკლებად სავარაუდო გახადოს. არ უნდა დაგვავიწყდეს, რომ "ჰეზბოლას" ჰყავს მოკავშირეები (მაგ. ირანი, ერაყის შიიტური მილიცია, იემენის ჰუსიტები) და ეს მოკავშირეები მუდმივად ამბობენ, რომ არა მხოლოდ "ჰეზბოლა", არამედ თავად ლიბანიც "წითელი ხაზია".
ჯერ კიდევ გაურკვეველია, იყო თუ არა ისრაელის ბოლო იერიშები უფრო დიდი გეგმის ნაწილი. ზოგიერთი მედიის ცნობით, ისრაელი თანდათან აჩერებს ოპერაციას ღაზაში და ლიბანზე სერიოზული თავდასხმისთვის ემზადება.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
