ბრალდებული კესარია აბრამიძის ბინაში მისვლიდან 14 წუთში გაიქცა - რა აღბეჭდეს მოკლულის სახლთან დამონტაჟებულმა სათვალთვალო კამერებმა (ვიდეო)
ვრცელდება მოკლული კესარია აბრამიძის სახლთან დამონტაჟებული სათვალთვალო კამერის ჩანაწერები, რომელშიც ჩანს მკვლელობაში ბრალდებული ბექა ჯაიანი როგორ გამოდის სუპერმაკრეტიდან, შედის სახლში, იცდის ლიფტთან, შემდგომ კი კიბეებზე ჩამორბის. ამავე კადრებით ირკვევა, რომ ბრალდებული კესარიას ბინაში მისვლიდან 14 წუთში გაიქცა.
მოკლულის ახლობლების ინფორმაციით, კესარია აბრამიძე საკუთარ სახლში დივანთან იპოვეს. მას ცივი იარაღით მრავლობითი ჭრილობები მიაყენეს.
მკვლელობაში ბრალდებული სენაკელი მამაკაცი ბექა ჯაიანი, რომელსაც სამართალდამცავები გუშინდელი საღამოდან ეძებდნენ, დაკავებულია. ის სენაკიდანაა და ცნობილია, რომ ერთ-ერთი ბარის დაცვის თანამშრომელია.
წყარო კი გვიყვება, რომ მეზობლებმა ყვირილის ხმა გაიგეს, შემდეგ კი აივანზე მამაკაცი შენიშნეს, რომელიც სიგარეტს ეწეოდა.
"ამის შემდეგ სახლი დატოვა. მეზობლები თავიდან სახლში შესვლას ვერ ბედავდნენ, თუმცა ერთ-ერთი მაინც შევიდა და კესარია აბრამიძე სისხლის გუბეში დაინახა. სავარაუდოდ, მკვლელმა საძილე არტერია გადაუჭრა", - გვიყვება წყარო.
იხილეთ ასევე:
- "როცა მამსგავსებდნენ, ეგონათ ცუდს მეუბნებოდნენ…" - რას წერს შორენა ბეგაშვილი კესარია აბრამიძეზე?
- კესარია აბრამიძის მკვლელობაში ბრალდებულის დაკავებაზე შსს ინფორმაციას ავრცელებს - რა წერია განცხადებაში?
- "ყველა ტკივილზე თუ სიხარულზე მე მირეკავდა. დედიკოს მეძახდა... რა ცხოველმა გაგიმეტა ასე, ჩემო ღიმილიანო" - რას წერენ მოკლულ კესარია აბრამიძეზე?
- "ამ მშვენიერი ახალგაზრდა ქალის სიკვდილი ჩვენ გაადამიანურებას და გაქრისტიანებას მაინც გამოადგეს … ტყუილად არ ჩაიაროს ამ ტრაგედიამ!" - პრეზიდენტი