სოხუმის თეატრის 139-ე სეზონი და მიმდინარე სიახლეები

სოხუმის კონსტანტინე გამსახურდიას სახელობის სახელმწიფო დრამატული თეატრი 139-ე სეზონს 2 ოქტომბერს გახსნის. ამ ეტაპზე რეპერტუარში 5 სპექტაკლია: „იქ, ჩვენთან“ (რეჟ: მერაბ ყოლბაია), „სტუმარი“ (რეჟ: დავით საყვარელიძე) „მარტორქები“ (რეჟ: ზურაბ გეწაძე), „იაკიში და პუპჩე (რეჟ: დავით საყვარელიძე) და „ვაჟიშვილი“ (რეჟ: მერაბ ყოლბაია). სოხუმის თეატრი მაყურებელს თბილისში, დ. უზნაზის ქ. N68 - ში მასპინძლობს.

დავით საყვარელიძე (სოხუმის თეატრის სამხატვრო ხელმძღვანელი):

- 2025 წელს სოხუმის თეატრს დაარსებიდან 140 წელი უსრულდება. სამწუხაროდ, 30 წელზე მეტია მშობლიურ კუთხეს მოწყვეტილია, თუმცა, დევნილობაში მყოფ თეატრს შემოქმედებითი ცხოვრება არ შეუწყვეტია. დღემდე ჩვენს თეატრში არაერთი სპექტაკლის პრემიერა შედგა და რამდენიმე მნიშვნელოვანი საერთაშორისო პროექტი განხორციელდა.

139-ე სეზონზე რეპერტუარში არსებული სპექტაკლების გარდა, გვექნება პრემიერებიც. უახლოეს მომავალში რეჟისორისა და მწერლის, რადიოთეატრის მთავარი რეჟისორის ზურაბ კანდელაკის პიესის „მოსასმენი თამაში მაყურებლისთვის“ პრემიერა შეგდება, რომელშიც მსახიობები ლილი ხურითი და გივი ჩუგუაშვილი მონაწილეობენ. როგორც რეჟისორმა, მან თავის პირველი სპექტაკლები სოხუმში, სოხუმის თეატრში განახორციელა და ახლაც მოხარულები ვართ, რომ ბატონ ზურაბს ჩვენს თეატრში ვმასპინძლობთ.

მიმდინარე აფიშის, სიახლეებსა და სხვა დეტალური ინფორმაციის ნახვა შეგიძლიათ აქ:

თეატრის Facebook გვერდზე

ბილეთების შეძენა შესაძლებელია TKT.GE - ზე

სოხუმის თეატრის საინფორმაციო მხარდამჭერია: ambebi.ge • ამბები.ge

R