კონდიციონერი, რომელიც ჯანსაღი ჰაერის გამოყოფას უზრუნველყოფს და ჯანმრთელობისთვის უსაფრთხოა
თავის ტკივილი, თვალების, კანისა და ყელის სიმშრალე, გაუწყლოება, სისუსტე, ალერგია, სასუნთქი გზების ინფექციები - ეს იმ გართულებების არასრული ჩამონათვალია, რომელიც კონდიციონერის არაჯანსაღმა ჰაერმა შეიძლება გამოიწვიოს.
თავის მხრივ, ჰაერში ბაქტერიებს ავრცელებს კონდიციონერი მაშინ, როცა დაბალი ხარისხის, არაეკოლოგიური მასალისგან დამზადებულ ფილტრზე მუშაობს და ხშირადაც არ იწმინდება. ამასთან, ნებისმიერი ტიპის კონდიციონერით სარგებლობისას მნიშვნელოვანია, პერიოდულად გაიღოს ფანჯრები და სივრცე განიავდეს.
კონდიციონერის მოხმარებისას ჯანმრთელობასთან დაკავშირებული გამოწვევები მომხმარებლებს წლების განმავლობაში უქმნიდა დისკომფორტს. საბოლოოდ, განვითარდა ფილტრის ეკომეგობრული ტექნოლოგია, რომელიც ჯანმრთელობისთვის სრულიად უსაფრთხო ჰაერის ცირკულაციას უზრუნველყოფს. ერთ-ერთი პირველი, ვინც აღნიშნული ინოვაცია დანერგა, საერთაშორისო ტექნოლოგიური კომპანია „ჩიგოა“ (CHIGO), რომელიც 30 წელზე მეტია, გათბობა/გაგრილების სისტემებს აწარმოებს და 180-ზე მეტ ქვეყანაშია წარმოდგენილი.
„ჩიგოს“ კონდიციონერებს აქვს ჰაერის სწრაფი ცირკულირების შესაძლებლობა (გამტარუნარიანობა 600 კუბმეტრიდან ზემოთ, რაც მოდელების სიმძლავრის შესაბამისად იზრდება), შესაბამისად ცხვირ-ხახისა და თვალების გამოშრობისგან დაცულები ვართ. ბრენდი იყენებს ჩაის ხის ფოთლებისგან დამზადებულ მრავალჯერად ფილტრს (კატეხინის ფილტრს), რომელიც ჰაერს მაქსიმალურად ასუფთავებს მტვრის ნაწილაკებისგან. გასათვალისწინებელია, რომ გეგმური წმენდა აღნიშნულ ფილტრსაც სჭირდება. იმისათვის, რომ კონდიციონერმა გამართულად იმუშაოს და ჰაერის სიჯანსაღე უზრუნველყოს, მისი ფილტრი მტვრის ნაწილაკებისგან უნდა გავათავისუფლოთ.
ბრენდის კონდიციონერებში გათვალისწინებულია კიდევ ერთი მნიშვნელოვანი დეტალი: შიდა აგრეგატის რადიატორი დაფარულია მოოქრული ფირფიტებით, რომელიც ოთახში ჰაერის ცირკულაციისას კლავს ვირუსულ მიკრონაწილაკებს. ამით ბრენდი კიდევ ერთხელ გვარწმუნებს იმაში, რომ ზრუნავს მომხმარებლების ჯანსაღ და კომფორტულ ცხოვრებაზე და წარსულში კონდიციონერებთან დაკავშირებით არსებული გამოწვევების დაძლევა სრულად შეძლო.
გათბობა/გაგრილების სისტემის წარმოებისას მომხმარებლის ჯანმრთელობაზე ზრუნვა ამით არ ამოიწურება. იმის გათვალისწინებით, რომ ეკოლოგიური პრობლემები, მათ შორის გარემოს დაბინძურება 21-ე საუკუნის ერთ-ერთი მთავარი პრობლემაა, „ჩიგომ“ Inverter-ძრავიან კონდიციონერებში ეკომეგობრული - R32 ტიპის ფრეონის გამოყენება დაიწყო. გაჟონვის შემთხვევაში, აღნიშნული ტიპის ფრეონი არ გამოყოფს მავნე ნივთიერებებს და ოზონის შრეს არ აზიანებს.
შესაბამისად, კონდიციონერი შეიძლება იყოს უსაფრთხო, უზრუნველყოფდეს ჯანსაღი ჰაერის ცირკულაციას და უარყოფით ზეგავლენას არ ახდენდეს გარემოზე. ასეთი გარდატეხა „ჩიგომ“ გათბობა/გაგრილების ინდუსტრიაში უკვე შეიტანა და ბრენდი თანამედროვე ტექნოლოგიების განვითარებას კვლავაც აგრძელებს.
R