ბინ ლადენის შვილი, რომელიც მსოფლიოს მკვდარი ეგონა, ცოცხალია და დიდი თავდასხმებისთვის ემზადება - რა ინფორმაცია ხდება ცნობილი 34 წლის ჰამზასა და მისი 4 ცოლის "სამალავზე"
ექსპერტების ვარაუდობთ, ოსამა ბინ ლადენის შვილი, ჰამზა ბინ ლადენი ცოცხალია და "ალ-ქაიდას" ფარულად ხელმძღვანელობს. ამბობენ, რომ 34 წლის ჰამზა დროის უმეტეს ნაწილს ატარებს ჯალალაბადში, დედაქალაქ ქაბულიდან აღმოსავლეთით.
Mirror- ის მოხსენებაში ნათქვამია: "ჰამზა ბინ ლადენი არა მხოლოდ ცოცხალია, არამედ აქტიურად არის ჩართული ალ-ქაიდას აღორძინებაში - ეს კარგად იციან თალიბანის ლიდერებმა. ისინი მართავენ რეგულარულ შეხვედრებს და იცავენ მას და მის ოჯახს.
მისი მეთაურობით, ალ-ქაიდა ემზადება მომავალი თავდასხმებისთვის დასავლურ ობიექტებზე. ჰამზას მამის მემკვიდრეობის გაგრძელების ძლიერი გადაწყვეტილება ამოძრავებს, რაც სიმბოლურ და სტრატეგიულ წონას მატებს მის ქმედებებს. უფრო მეტიც, ჰამზას ძმა, აბდულა ბინ ლადენი, კრიტიკულ როლს თამაშობს ამ აღორძინებაში“.
ფიქრობენ, რომ ამჟამად ავღანეთში 21-მდე ტერორისტული ქსელი მოქმედებს - ეს მას მსოფლიოს ყველაზე დიდ ტერორისტულ წერტილად აქცევს.
„პარალელები არსებულ სიტუაციასა და 11 სექტემბრის თავდასხმას შორის საგანგაშოა. ლეგიტიმური მთავრობის არარსებობამ და თალიბანსა და ამ ჯგუფებს შორის იდეოლოგიურმა თანხვედრამ ავღანეთი ექსტრემიზმის თავშესაფრად აქცია."
ითვლება, რომ ჰამზა და მისი ოთხი ცოლი რამდენიმე წელია ირანში იმალებიან. 2019 წელს აშშ-ის მაშინდელმა პრეზიდენტმა დონალდ ტრამპმა ჰამზა ბინ ლადენის გარდაცვალება დაადასტურა:
"ჰამზა ბინ ლადენის სიკვდილი ალ-ქაიდას არამხოლოდ ლიდერის მნიშვნელოვან უნარებს და მამამისთან მის სიმბოლურ კავშირს ართმევს, არამედ ძირს უთხრის დაჯგუფების ოპერატიულ საქმიანობას," - თქვა ტრამპმა, თუმცა ბოლო დრომდე არ არსებობდა დამაჯერებელი მტკიცებულება, რომ ბინ ლადენი მართლა მკვდარია. ჟურნალისტების მიერ დასმული შეკითხვის პასუხად დონალდ ტრამპმა არც უარყო და არც დაადასტურა ეს ინფორმაცია. „არ მსურს ამაზე კომენტარის გაკეთება“, - აღნიშნა მაშინ დონალდ ტრამპმა.