სახალხო ზეიმი ათონელზე: პრეზიდენტმა ოლიმპიელებსა და პარალიმპიელებს ჯილდოები გადასცა - ღონისძიებას მთავრობა არ დაესწრო, თუმცა "ოცნების" დეპუტატობის კანდიდატი ჩემპიონები მივიდნენ (ფოტოები)
საქართველოს პრეზიდენტის ინიციატივით, ორბელიანების სასახლის წინ, გაიმართა სახალხო ზეიმი, სადაც საქართველოს პრეზიდენტი სალომე ზურაბიშვილი ოლიმპიელებსა და პარალიმპიელებს ჯილდოები გდასცა. მას დაესწრენენ ოლიმპიური ჩემპიონები და "ქართული ოცნების" დეპუტატობის კანდიდატები ლაშა ტალახაძე და გენო პეტრიშვილიც.
"არანაირი ყოყმანი არ მქონია დღეს აქ მოსვლის იქიდან გამომდინარე, რომ ამ ჯილდოს ღებულობს ლაშა ტალახაძე. თავისი პოლიტიკური შეხედულების გამო ადამიანს ხაზი არ უნდა გადაუსვა. მე ყოველთვის წინ ვაყენებ ჩემ წარმატებას და ქვეყანას. ეს არის ჯილდო ჩემი მიღწევებიდან გამომდინარე, ამიტომ როდესაც პრეზიდენტი გადაგცემს ჯილდოს, ჩვენთვის სიამოვნებით მისაღებია”, - განაცხადა ლაშა ტალახაძემ.
მთავარობის გადაწყვეტილება კი პრემიერ-მინისტრმა ირაკლი კობახიძემ აცნობა საზოგადოებას.
"მას (პრეზიდენტს - რედ.) უნდა რომ კინკლაობაში შეგვიყვანოს, ჩვენ არ შევყვებით სალომე ზურაბიშვილს კინკლაობაში, არ გვაინტერესებს საერთოდ, ამაზე დროის დახარჯვას არ ვაპირებთ, ისედაც ძალიან ბევრი საქმე გვაქვს - აქეთ რთველია, იქით არჩევნებია, მილიონი საქმე გვაქვს იმისთვის, რომ სალომე ზურაბიშვილზე არ დავხარჯოთ ძვირფასი დრო.
გამომდინარე იქიდან, რომ მან პატივი არ სცა მთავრობის ინსტიტუტს და არ მოვიდა შესაბამის ღონისძიებაზე, იქ მისვლა ჩვენი მხრიდან არ იქნება სწორი, ყველაფერს გარკვეული რეაქცია უნდა ჰქონდეს, ეს არ არის ჩვენთვის რაღაც ახირება, უბრალოდ მისი მხრიდან მუდმივად ვხედავთ კინკლაობაში შეყვანის მცდელობას, ჩვენ მას კინკლაობაში არ შევყვებით“, - განაცხადა კობახიძემ.
"თქვენ, სპორტსმენებო გამარჯვებულებო თუ მონაწილეებო ერთნაირად გღებულობთ დღეს თქვენი ქვეყნის მოსახლეობა. თქვენ არამხოლოდ დაიმსახურეთ მედლები, ჯილდოები და პრემიები, თქვენ მიიღეთ ბევრად მეტი, ბევრად ძვირფასი, ბევრად მარადიული. ისეთი რამ, რაც ვერაფერში ვერ უნდა იცვლებოდეს და ეს არის ხალხის სიყვარული", - ასე მიმართა პრეზიდენტმა ათონელზე მისულ სპორტსმენებს.
იხილეთ ასევე: