ახალი ეპოქის დასაწყისი: ვინ არის მილიარდერი, რომელიც ილონ მასკის SpaceX-მა ღია კოსმოსში გაიყვანა?

ილონ მასკის კომპანია SpaceX-მა ცოტა ხნის წინ კოსმოსში ხუთდღიანი კერძო მისია Polaris Dawn-ი გაუშვა. ეკიპაჟში შედიან მისიის მეთაური, მილიარდერი მეწარმე ჯარედ აიზეკმენი, ასევე ყოფილი სამხედრო პილოტი სკოტ პოტიტი და SpaceX-ის ორი თანამშრომელი.

მისიის კაპიტანი და სპონსორი მილიარდერი ჯარედ აიზეკმენი გავიდა ხომალდიდან, რომელიც მიფრინავდა დედმიწის ზედაპირიდან 700 კილომეტრის სიმაღლეზე 25 ათასი კმ/სთ სიჩქარით და რამდენიმე წუთში წარმატებით დაბრუნდა უკან.

ცნობისთვის, აიზეკმენი გადახდების ფირმა Shift4 Payments-ის დამფუძნებელი და აღმასრულებელი დირექტორია. გარდა ამისა, მისი დაარსებულია Draken International-ი, თავდაცვის კომპანია, რომელიც საჰაერო ძალების პილოტებს ამზადებს და მსოფლიოში სამხედრო თვითმფრინავების ყველაზე დიდ კერძო ფლოტს ფლობს.

ექვსდღიანი Polaris Dawn-ის მისია ორი დღის წინ დაიწყო და გუშინ კიდევ ერთი რეკორდი მოხსნა - ის პილოტირებული ფრენების ისტორიაში დედამიწის უმაღლეს ორბიტაზე ავიდა, 1400 კმ-ზე მეტი - ჩვენი პლანეტიდან ასე შორს ადამიანი მთვარის პროგრამა Apollo-ს შემდეგ (1972 წელი) არ ყოფილა. ეს არის Crew Dragon-ის ყველაზე სარისკო კერძო მისია.

"საოცარი მოვლენა არა მხოლოდ Polaris Down-ისა და SpaceX-ისთვის, არამედ მთელი კაცობრიობისთვის" - აღნიშნა NASA-ს ასტრონავტმა მაიკ ჰოპკინსმა.

ვარაუდობენ, რომ Polaris Down-ის მისიის წარმატება გააძლიერებს ილონ მასკის კომპანიის ლიდერობას კოსმოსურ რბოლაში.