"ჩვენი მაღალი კულტურის დასტურად, ალბანეთის ჰიმნის გაჟღერებისას ფეხზე წამოვდგეთ და პატივისცემა გამოვხატოთ. ამ საქციელით უფრო მიხვდებიან თუ ვისთან აქვთ საქმე" - ლაშა ღლონტი

ერთა ლიგის მეორე ტურში საქართველოს ნაკრებმა გასვლაზე ალბანეთი 0:1 დაამარცხა. ერთადერთი გოლი მატჩში გიორგი ქოჩორაშვილმა გაიტანა. ალბანელი გულშემატკივარი, რომელიც "ჯოჯოხეთის" მოწყობით გვემუქრებოდა, სტადიონზე საკმაოდ არაეთიკურად მოიქცა - ჯერ საქართველოს ჰიმნის შესრულებისას უსტვინეს, მარცხის შემდეგ კი ქართველი გულშემატკივრის მისამართით ნივთების სროლა და შეძახილები დაიწყეს.

სწორედ ამას ეხმაურება სოციალურ ქსელში მუსკოსი ლაშ ღლონტი და წერს:

"ბევრი ვიფიქრე თუ როგორ უნდა ვუპასუხოთ საქართველოს ჰიმნზე ალბანელების უკულტურო სტვენას ჩვენთან საპასუხო მატჩის დროს.

მე ვფიქრობ, ჩვენი მაღალი კულტურის დასტურად ალბანეთის ჰიმნის გაჟღერებისას ფეხზე წამოვდგეთ და პატივისცემა გამოვხატოთ. ამ საქციელით უფრო მიხვდებიან თუ ვისთან აქვთ საქმე.

რას იტყვით? ეს მხოლოდ ჩემი მოსაზრებაა, მისაღებია კრიტიკაც, საინტერესოა თქვენი აზრი. დიდი პატივისცემით მოვისმენ მოსაზრებებს".

იხილეთ ასევე:

• "მოვიგეთ და ალბანელები დავადუმეთ'' - "მამარდას", "კვარას", "კაშოს" და სხვების მატჩის შემდგომი კომენტარები