ჩრდილოეთ კორეაში გოგონები საჯაროდ დასაჯეს და შეარცხვინეს - ვრცელდება შერცხვენის აქტისა და ატირებული გოგონების კადრები
ახალგაზრდა ჩრდილოეთ კორეელი გოგონები კიმ ჩენ ინის რეჟიმის ოფიციალურმა პირებმა საჯაროდ დასაჯეს. მედიაში კი აღნიშნული ამბის ამსახველი კადრები გავრცელდა.
- კადრებში ჩანს, როგორ ამცირებენ და სჯიან საჯაროდ ჩრდილოეთ კორეელ გოგონებს სამხრეთ კორეული მედიის ყურებისთვის.
ვიდეოში ჩანს საჯარო შერცხვენის აქტი დიდ აუდიტორიაში, სადაც ახალგაზრდები ჩრდილოეთ კორეელი სამხედროების წინ არიან ჩამწკრივებულნი და "დანაშაულებზე" იღებენ საყვედურებს.
ერთი ახალგაზრდა გოგონა, რომელსაც ჩოი ჰქვია, ტიროდა. KBS media-ს თარგმანის მიხედვით, რომელმაც ეს კადრები მოიპოვა, გოგონამ თქვა: "მე დავუშვი შეცდომა, რომ ვისმენდი და ვავრცელებდი უწმინდურ პროპაგანდას“.
შემდეგ ის ხელბორკილებით გაიყვანეს.
კიმ ჩენ ინის მთავრობა ათწლეულების განმავლობაში აკონტროლებს ქვეყანაში შესულ და გასულ ინფორმაციას, მკაცრად უკრძალავს თავის მოქალაქეებს უცხოური ახალი ამბების, მუსიკის, ფილმებისა და სატელევიზიო შოუების ყურებას.
ამ რეჟიმის დამრღვევებს სერიოზული სასჯელი ელით, მათ შორის, ციხე და სიკვდილით დასჯაც კი.