"მის შვეიცარიის" ფინალისტი, მოდელი, ქმარმა მოკლა, ხოლო შემდეგ ცხედარი დაანაწევრა - რას წერს მედია შემზარავ დანაშაულზე

სილამაზის კონკურსის, "მის შვეიცარიის" ყოფილი ფინალისტი დაახრჩვეს, ხოლო შემდეგ ცხედარი დაანაწევრებს. მკვლელობაში ბრალდებული მისი ქმარია.

• 38 წლის კრისტინა იოქსიმოვიჩის დანაწევრებილი ცხედარი შვეიცარიის ქალაქ ბაზელის მახლობლად, მისსავე სახლში მიმდინარე წლის თებერვალში იპოვეს. საქმის შესახებ შემზარავი დეტალები კი ახლახან გასაჯაროვდა.

დაკავებულია მისი ქმარი, 41 წლის მამაკაცი, რომელიც დანაშაულს აღიარებს.

• შვეიცარიული გამოცემის BZ Basel-ის ცნობით, გამოძიებამ გამოავლინა საქმეში "ფსიქიკური დაავადების კონკრეტული ნიშნები“.

მოდელის ქმარმა აღიარა, რომ ცოლი მოკლა, მაგრამ ამბობს, რომ ეს თავდაცვის მიზნით გააკეთა, რადგან ქალი დანით დაესხა თავს. აღსანიშნავია, რომ სამედიცინო ექსპერტებმა ვერ იპოვეს აღნიშნულის მტკიცებულება.

ექსპერტიზის მიხედვით, კაცმა ცოლი ჯერ დაახრჩო, შემდეგ კი ხერხით, დანით და ბაღის მაკრატლით დაანაწევრა. წყვილს ორი მცირეწლოვანი შვილი ჰყავდა.