"სხვას რომ არ დაესწრო, ხეზე 2 საათით ადრე ავედი" - ვინ არის ფეხბურთის თავგადაკლული, უბილეთო გულშემატკივარი საქართველო-ჩეხეთის მატჩიდან?

საქართველო-ჩეხეთის მატჩის დროს, სოციალური ქსელი გაამხიარულა კადრებმა, რომელშიც ჩანდა, მესხის სახელობის მოედანთან ხეზე შემომჯდარი ახალგაზრდა მამაკაცი, რომელიც ასე ადევნებდა მატჩს თვალს მას მერე, რაც ბილეთის შეძენა ვერ მოახერხა.

დავინტერესდით, ვინ არის ფეხბურთის ეს თავგადაკლული გულშემატკივარი?

როგორც გავარკვიეთ, ის 24 წლის აკაკი ნიკაჭაძეა, რომელიც ზესტაფონიდან ჩამოვიდა იმ იმედით, რომ ბილეთის გადამყიდველებისგან მაინც შეიძენდა, თუმცა ვერ შეძლო და როგორც ამბობს, ერთადერთი გზა ხეზე ასვლა იყო.

"ზესტაფონიდან იმ იმედით ჩამოვედი, რომ ბილეთს გადამყიდველებისგან შევიძენდი, მაგრამ ვერ მოვახერხე. დაცვასაც ვთხოვე შევეშვი, მაგრამ უარი მითხრეს, შეპარვაც ვცადე, მაგრამ დაცვა ძალიან გაძლიერებული იყო. ერთადერთი გზა ხეზე ასვლა იყო. იქაც დიდი იყო კონკურენცია, სხვა ბიჭებიც იყვნენ და სხვას რომ არ დაესწრო, ხეზე ორი საათით ადრე ავედი. ხეზე რომ დამინახეს დაცვა მოვიდა და მითხრა: ჩამოდი, ბილეთი „გაიჩალიჩეო“ და ჩამოვედი, წინააღმდეგ შემთხვევაში ხიდან არ ჩამოვიდოდი. ერთადერთ რამეზე მწყდება გული. ჩემი ვიდეოები ყველგან გავრცელდა, აიტაცეს და ნაკრების მასური არავინ მაჩუქა. დღევანდელი მატჩისგან კი მხოლოდ და მხოლოდ გამარჯვებას ველოდები. აუცილებლად მოვიგებთ, ჩვენი ბიჭები კიდევ ერთხელ გაგვახარებენ“, - ამბობს აკაკი.

ნახეთ ვიდეოსიუჟეტი

იხილეთ ასევე:

• საქართველოს ნაკრების მორიგი წარმატებული მატჩი, ბრძოლა და გულშემატკივართან ერთად აღნიშნული გამარჯვება (ფოტოები)