მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პუტინის ხელისუფლების ოლიგარქი და ბავშვთა ომბუდსმენი, რომელსაც 10 შვილი ჰყავს, დაქორწინდნენ - რა ინფორმაცია ვრცელდება "მაღალი მორალის", მრავალმილიონიან ქორწილზე?
13:55 / 10-09-2024
2023 წელს, ambebi.ge-ზე გამოქვეყნდა სტატია სათაურით: ვინ არის მარია ლვოვა-ბელოვა? - ქალი, რომლის პუტინთან ერთად დაკავების ორდერი ჰააგის სასამართლომ გასცა.სტატიაში ვკითხულობთ, რომ 17 მარტს, ჰააგის საერთაშორისო სისხლის სამართლის სასამართლომ (ICC) რუსეთის პრეზიდენტის ვლადიმერ პუტინისა და ბავშვთა ომბუდსმენის მარია ლვოვა-ბელოვას მიმართ დაპატიმრების ორდერი გასცა.
მარია ლვოვა 2021 წლიდან რუსეთში ბავშვთა ომბუსმენდის თანამდებობას იკავებდა და სასულიერო პირზე გახლდათ დაქორწინებული და 10 შვილს ზრდიდა, საიდანაც 5 ნაშვილებია.
2022 წლის თებერვლიდან, როდესაც რუსეთი უკრაინას დაესხა თავს, ლვოვა-ბელოვა პასუხისმგებელი იყო ოკუპირებული ტერიტორიებიდან უკრაინელი ბავშვების გაყვანაზე და მათ რუსეთში "ინტეგრაციაზე“.
თავად ომბუდსმენი ამ პროცესს ყოველთვის "ევაკუაციას" უწოდებდა და ამბობდა, რომ ამით იცავდა ბავშვების ინტერესებს, თუმცა უკრაინის ხელისუფლებამ არაერთხელ განაცხადა, რომ საერთაშორისო სამართლის თვალსაზრისით, ეს ქმედებები კლასიფიცირებულია, როგორც დეპორტაცია და გენოციდი.
2022 წლის ზაფხულში ლვოვა-ბელოვამ თქვა, რომ მან თავად იშვილა ბავშვი მარიუპოლიდან. ქალაქიდან, რომელიც რუსული ჯარებმა გაანადურეს. ის რეგულარულად აქვეყნებს მოზარდის ფოტოებს სოციალურ ქსელებში და ამ ამბის შესახებ პროპაგანდისტული ფილმიც კი გადაიღეს რუსული მედიისთვის. ის ასევე ხშირად საუბრობდა მაღალ მორალურ სტანდარტზე, ოჯახურ ფასეულობებზე და აშ.
რა ხდება ახლა
ორი დღეა რუსული მედია ლვოვას ახალი ქორწილის შესახებ წერს. ჟურნალისტების ინფორმაციით, 10 შვილის დედამ მეორედ "მართლმადიდებელ ოლიგარქ" მალოფეევზე იქორწინა. ის არის "რუსული გაზაფხულის" მთავარი სპონსორი და მასზე გაცემულია ICC-ის ორდერი
8 სექტემბერს, მოსკოვის მახლობლად მდებარე ერთ-ერთ სოფელში ბავშვთა უფლებების კომისრის, მარია ლვოვა-ბელოვას და ცარგრადის ტელეარხის Царьград-ის დამფუძნებლის, კონსტანტინე მალოფეევის ქორწილი გაიმართა.
ჭორები მალოფეევსა და ლვოვა-ბელოვას შორის კავშირის შესახებ 2024 წლის დასაწყისში გაჩნდა, როდესაც ისინი ერთად მივიდნენ ეკატერინბურგში რელიგიურ დღესასწაულზე.
მალოფეევის ცოლთან განქორწინების შესახებ ცნობილი გახდა 2023 წელს, მაგრამ ლვოვა-ბელოვასა და მღვდელ პაველ კოგელმანოვის ქორწინების დასრულების შესახებ მედიაში ინფორმაცია არ გავრცელებულა.
ქორწილში მიწვეულები იყვნენ რუსული შოუბიზნესის ვარსკვლავები: დიმა ბილანი, გრიგორი ლეპსი, ვალერია და ლეონიდ აგუტინი. მედიის ინფორმაციით, ბილანს სთხოვეს რამდენიმე სიმღერის ამოღება პროგრამიდან, თუმცა მიზეზები არ დაუკონკრეტებიათ. მედია ასევე გაოცებულია იმ ფაქტით, რომ ქორწილში მიწვეული იყო ლეონიდ აგუტინი, რომელიც ომის მოწინააღმდეგედ მიიჩნევა, რის გამოც რუსეთში მისი კონცერტები გაუქმდა.
კონსტანტინე მალოფეევი 2014 წლიდან აშშ-სა და ევროკავშირის სანქციების ქვეშ იმყოფება თვითგამოცხადებული DPR-ისა და LPR-ის დაფინანსების ბრალდებებით. უკრაინაში რუსული ჯარების სრულმასშტაბიანი შეჭრის დაწყების შემდეგ, მალოფეევის მიერ კონტროლირებადი მედია რუსული პროპაგანდის ერთ-ერთი მთავარი გამავრცელებელი გახდა.
სრულმასშტაბიანი ომის დაწყების შემდეგ, მარია ლვოვა-ბელოვა დაკავებული იყო ობლების გაყვანით რუსული ჯარების მიერ ოკუპირებული უკრაინის ტერიტორიებიდან. ამის შესახებ სისხლის სამართლის საერთაშორისო სასამართლომ (ICC) მისი დაკავების ორდერი გასცა.
BAZA Telegram-ის არხის თანახმად, ქორწილი მალოფეევს რამდენიმე ათეული მილიონი რუბლი დაუჯდა, თანხის მნიშვნელოვანი ნაწილი მომღერლების ჰონორარში გადაიხდის. ცერემონია გაიმართა როტუნდის ვილაში, რომელიც მოსკოვის რეგიონში, ღონისძიებების ერთ-ერთ ყველაზე ძვირადღირებულ ადგილად მიიჩენვა. ქორწილში სტუმრებს შორის საეკლესიო სამოსით გამოწყობილი ხალხიც შეინიშნებოდა.
ორივე მეუღლისთვის ეს მეორე ქორწინებაა. როგორც ბელოვა, მალოფეევიც დაქორწინებული იყო ადვოკატ ირინა ვილტერზე, რომელთანაც სამი შვილი ჰყავს.
ქორწილმა იმხელა რეზონანსი გამოიწვია, რომ ჟურნალისტებმა კომენტარზე პუტინის პრეს-მდივან პესკოვს მიმართეს.
"კრემლი არ აკეთებს კომენტარს მედიისა და "ტელეგრამის" არხების პუბლიკაციებზე ბავშვთა უფლებების კომისრის მარია ლვოვა-ბელოვას ქორწილის შესახებ. ჩვენ არ გვაქვს უფლება ვისაუბროთ მის პირად ცხოვრებაზე. ამიტომ ვერაფერს ვიტყვი ამ კითხვის პასუხად, ნებისმიერ შემთხვევაში ვუსურვებთ მას ბედნიერებას", - განაცხადა პესკოვმა.
როგორც გიყვებოდით, მარია ლვოვა ბოლო დრომდე დაქორწინებული იყო მღვდელ პაველ კოგელმანზე, რომელიც ხელდასხმამდე პროგრამისტად მუშაობდა. ის ახლა კრილატსკოის ყოვლადწმიდა ღვთისმშობლის ტაძარში მოძღვარია. მედია წერს, რომ ქალმა ახალ სიყვარულთან ურთიერთობა, დიდი ალბათობით, პირველ ქორწინებაში ყოფნისას დაიწყო.
არადა, მოლოფეევიც ისევე, როგორც ბელოვა საზოგადოების წინაშე ხშირად ლაპარაკობენ მაღალ მორალურ ღირებულბებსა და ოჯახურ ფასეულობებზე, რომელსაც მათი მტკიცებით, დასავლეთი ებრძვის.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
