რუსეთში, სასამართლომ 78 წლის ცნობილ მეცნიერს “სამშობლოს ღალატისთვის“ 14-წლიანი პატიმრობა მიუსაჯა - “ცოტა ხნის წინ, წინასწარი დაკავების იზოლატორში ინფარქტი დაემართა“
ცნობილი ხდება, რომ რუსეთში, სააპელაციო სასამართლომ განიხილა საჩივრები ნოვოსიბირსკის ფიზიკოსის ანატოლი მასლოვის განაჩენის წინააღმდეგ, რომელსაც სანქტ-პეტერბურგის საქალაქო სასამართლომ 14 წელი მიუსაჯა მაქსიმალური უსაფრთხოების კოლონიაში. სასამართლომ განაჩენი უცვლელი დარჩა.
როგორც RusNews წერს, ანატოლი მასლოვი ცნობილი სპეციალისტია ბლანტი გაზის დინამიკის დარგში. ის რუსეთის ფედერაციის სისხლის სამართლის კოდექსის 275-ე მუხლის მიხედვით, 2022 წლის აგვისტოს დასაწყისში დააკავეს და ბრალად “სახელმწიფოს ღალატი“ ედება.
ITAM SB RAS-ის სამეცნიერო დირექტორის ვასილი ფომინის განცხადებით, ანატოლი მასლოვი მუშაობდა ჩინელ, ამერიკელ და გერმანელ მეცნიერებთან ერთად.
“მიმდინარე წლის თებერვალში მას სანქტ-პეტერბურგის მე-3 წინასწარი დაკავების იზოლატორში ინფარქტი დაემართა,“ - წერს RusNews.
2024 წლის 21 მაისს დახურულ სასამართლო სხდომაზე მასლოვს 14 წლით თავისუფლების აღკვეთა მიესაჯა და 2 წლით ჩამოერთვა სახელმწიფო საიდუმლოებასთან დაკავშირებულ საქმიანობაში ჩართვის უფლება.