"იქ არ უკვირს არავის ღია კაბა. კომფორტულად ვიყავი და ვთვლი, რომ ძალიან მიხდებოდა" - რას ჰყვება ია სუხიტაშვილი ვენეციის კინოფესტივალზე და რას პასუხობს კრიტიკოსებს

მსახიობი ია სუხიტაშვილი ვენეციის კინოფესტივალსა და რეჟისორ დეა კულუმბეგაშვილის ფილმზე საუბრობს, რომელშიც მთავარ როლს ასრულებს. კინოფესტივალზე მიღებული ემოციების შესახებ მან "დილა მშვიდობისა საქართველოსთან" ისაუბრა.

• "საოცარი ემოციები გვქონდა ჩვენს გუნდს. ძალიან ვემზადებოდით იმისთვის, რომ ღირსეულად წარვმსდგარიყავით. როცა ასეთი რამ ხდება, უნდა ეცადო, რომ ყველაფერი ღირსეულად გამოყურებოდეს. ძალიან ძლიერი ფილმებით წარსდგნენ რეჟისორები სხვადასხვა ქცეყნებიდან და ძალიან ხმაურიანი სახელები იყვნენ კინოფესტივალზე, მათ შორის, ნიკოლ კიდმანი, ანჯელინა ჯოლი, ტილდა სვინტონი, ჯულიანნა მური, ლედი გაგა და ა.შ.

ყველაზე მეტად დამამახსოვრდა ერთ-ერთი კომენტარი ჟურნალისტისგან - სანამ დაიწყებდა ჩაწერას, მითხრა - "ეს როგორ მოახერხე?!" მოდიოდნენ ადამიანები და ვერ მალავდნენ აღფრთოვანებას.

ეს ამბები რა თემებსაც ვეხებით ფილმში, იმდენად საინტერესო, ახალი ენით არის მოთხრობილი და მოტანილი მაყურებლამდე, ვერ წყვეტ თვალს ამ ყველაფერს. იმ მდგომარეობაში გამყოფებს, რომ შეიგრნო ის ყველაფერი, რა პრობლემებსაც ვეხებით.

• ვიცი, რომ ჩვენთან ძალიან დიდი კრიტიკა გამოიწვია ჩემმა კაბამ. რავიცი, იქ არ უკვირს არავის ღია კაბა. მე ძალიან კომფორტულად ვიყავი ამ კაბაში და ვთვლი, რომ ძალიან მიხდებოდა", - ამბობს ია სუხიტაშვილი.

ცნობისთვის, რეჟისორ დეა კულუმბეგაშვილის ფილმი "აპრილი" ვენეციის კინოფესტივალზე მთავარ საკონკურსო პროგრამაში იყო და საბოლოოდ ფილმმა ჟიურის სპეციალური პრიზი მიიღო. კინოსურათში მთავარ როლებს ია სუხიტაშვილი, კახა კინწურაშვილი და მერაბ ნინიძე ასრულებენ.

მოქმედება პროვინციულ ქალაქში ვითარდება, სადაც ფილმის გმირი ნინა ერთადერთ პატარა საავადმყოფოში გინეკოლოგად მუშაობს. როდესაც მისი მეთვალყურეობის ქვეშ მყოფი ახალშობილი რამდენიმე წამში კვდება, ნინას ბრალს სდებენ არასწორად მოქმედებაში და ჩვილის სიკვდილს მას აბრალებენ. გამოძიება კი ნინას პირადი და პროფესიული ცხოვრებით ინტერესდება.

ნახეთ ასევე:

• "დრესკოდი იყო დასაცავი და ასე შეიქმნა კაბა სპეციალურად წითელი ხალიჩისთვის...არ ვფიქრობ, რომ ვინმეს რამე უნდა მოაწონო" - ია სუხიტაშვილის კაბაზე Situationis-მა იზრუნა: რას პასუხობს დიზაინერი ირაკლი რუსაძე კრიტიკოსებს
• “სასწაულებრივი, შემაძრწუნებელი ქართული დრამა” - მსოფლიო პრესა ეხმაურება დეა კულუმბეგაშვილის “აპრილს”, რომლის პრემიერაც ვენეციის კინოფესტივალზე შედგა