ევროპის სულ უფრო მეტ სკოლაში უკრძალავენ მოსწავლეებს მობილური ტელეფონის გამოყენებას - რა გავლენა მოახდინა მოზარდებზე სმარტფონების აკრძალვამ?
ევროპის სულ უფრო მეტ ქვეყანაში უკრძალავენ სკოლებში მოსწავლეებს მობილური ტელეფონების გამოყენებას.
ყველაფერი ექვსი წლის წინ, როცა ნიდერლანდების Calvijn College-ის წარმომადგენლები სკოლებში მობილური ტელეფონების აკრძალვას განიხილავდნენ, იდეამ მართალია, მოსწავლეების ნაწილის განაწყენება გამოიწვია, მაგრამ საბოლოო ჯამში სკოლაში გადაწყვეტილება ძალაში მაინც შევიდა.
- "დერეფნებსა და სკოლის ეზოში დაინახავდით, რომ ბავშვები სმარტფონებში იყვნენ ჩაძირულნი, ერთმანეთს არ ესაუბრებოდნენ, მაგიდის ჩოგბურთის მაგიდები ცარიელი იყო", - ამბობს სკოლის წარმომადგენელი.
ახლა უკვე სკოლებში სმარტფონების აკრძალვა იშვიათი აღარაა.ამჟამად საფრანგეთში 200 საშუალო სკოლა კრძლავს მობილურ ტელეფონებს, აკრძა;ვა დაწესდა ბელგიაში, ვალონიასა და ბრიუსელის ფრანგულენოვან დაწყებით სკოლებში. უნგრეთში ახალი კანონი სკოლებს ავალდებულებს, სასწავლო დღის დასაწყისში მოსწავლეების ტელეფონები და სმარტ მოწყობილობები შეკრიბონ.
იტალიამ და საბერძნეთმა უფრო მსუბუქი მიდგომები აირჩიეს, რაც მოსწავლეებს საშუალებას აძლევს, მთელი დღის განმავლობაში ტელეფონები თან ატარონ, მაგრამ მათი გამოყენება საკლასო ოთახებში აკრძალული ექნებათ.
- Calvijn College-ში სმარტფონების აკრძალვის შემდეგ მალევე შეამჩნიეს, როგორ შეიცვალა მოსწავლეების ქცევები და სკოლის ცხოვრების კულტურა.
"მოსწავლეები ისევ თამაშობენ, ერთმანეთს ელაპარაკებიან. გაცილებით ნაკლებია საგაკვეთილო პროცესშიც ხელის შეშლა", - ამბობენ სკოლაში.
2024 წლის იანვარში, ნიდერლანდების მთავრობამ საშუალო სკოლებს მოუწოდა, მობილური ტელეფონები, ტაბლეტები და სმარტ საათები აეკრძალათ. რეკომენდაცია დაწყებით სკოლებზე ახლახან გავრცელდა.
- Radboud University-ს მკვლევრებმა ჩაატარეს კვლევა - რა გავლენა მოახდინა აკრძალვამ მოსწავლეებზე.
აკრძალვიდან სამი თვის შემდეგ, მათ ასობით მოსწავლე, მშობელი და მასწავლებელი გამოკითხეს.
მკვლევარ ლოეს პოულსის თქმით, მოსწავლეების დაახლოებით 20%-მა განაცხადა, რომ სმარტფონების აკრძალვის შემდეგ ყურადღება ნაკლებად ეფანტებათ, ხოლო მასწავლებლებმა აღნიშნეს, რომ მოსწავლეები გაკვეთილებზე, თავიანთ სამუშაოზე უფრო არიან კონცენტრირებულები.
ბევრმა მოსწავლემ თქვა, რომ რეალურ სოციალურ ურთიერთობებს მეტი დრო დაუთმეს და ურთიერთობების ხარისხი გაუმჯობესდა.
აკრძალვიდან სამი თვის შემდეგ, დაახლოებით 40%-მა თქვა, რომ ტელეფონების გარეშე ყოფნამ მათ საშუალება მისცა, უფრო კარგად გაეტარებინათ შესვენებები, ხოლო 37%-მა აღნიშნა, რომ ტელეფონები მოენატრათ. "იძულებული ვარ, სოციალიზაცია ვცადო, მაშინაც კი, როცა ამის განწყობა არ მაქვს, რაც ხშირად ხდება,“ – უთხრა ერთმა გამოკითხულმა მკვლევარს.
Calvijn College-ს წარმომადგენლებს ეჭვი არ ეპარებათ, რომ აკრძალვა დადებითი იყო. როდესაც აკრძალვა პირველად დაინერგა, განიხილებოდა, რომ მომავალში დამამთავრებელი კლასების მოსწავლეებისათვის ტელეფონების ქონის ნებართვა ხელახლა დაეშვათ, თუმცა, ამჟამად ეს დღის წესრიგში აღარ დგას.