"სახლ-მანქანაში ცხოვრება რთული კი არა, ერთი დიდი ბედნიერებაა. სადაც გინდა, სახლი იქ გაქვს" - მოგზაური ცოლ - ქმრის სიყვარულის ამბავი, ანუ როგორ იპოვა გიორგიმ სალი

გიორგი ჯობავა და მისი მეუღლე სალი წვერავა შვიდი წლის წინ შეხვდნენ ერთმანეთს და სწორედ აქედან იწყება მათი საოცარი მოგზაურობები და დაუვიწყარი თავგადასავლები, რომელსაც სოციალურ ქსელში თავიანთ მრავალრიცხოვან აუდიტორიას უზიარებენ.

- მოგვიყევით თქვენ შესახებ, როდის და როგორ იწყება თქვენი და თქვენი მეუღლის ერთობლივი ისტორია და რატომ გადაწყვიტეთ ასე საჯარო გაგეხადათ თქვენი ცხოვრება?

- ჩვენი ურთიერთობაც იწყება გადაღებით. 7 წლის წინ, როცა რაღაც ახალი მინდოდა გადამეღო, გადავწყვიტე გოგო მეპოვა, ვისაც ლამაზ ვიდეოს გადავუღებდი. სრულიად შემთხვევით, "ფეისბუქმა" სქროლვისას, შემომთავაზა სალის მეგობრებში დამატება, შევხედე, მომეწონა ვიზუალი და მივწერე. შევთანხმდით გადაღების დღეზე. მოვიდა ეს დღეც და მე დამავიწყდა… სალის არ ესიამოვნა და ყველანაირად ვეცადე, რომ როგორმე კიდევ დამეთანხმებინა. დამთანხმდა, შევხვდით გამთენიისას, მზის ამოსვლისას მინდოდა გადაღება. და ეს შეხვედრა იყო დაუვიწყარი. რომ მივედი მისამართზე, ჯერ კიდევ ბინდი იყო, მანქანაში ვიჯექი. ცარიელი იყო ქუჩები და უცებ გამოჩნდა ქერათმიანი, თხელი, ნაზი გოგო… გამცრა ტანში, საერთოდ დამავიწყდა რისთვის მოვედი ამ დილაუთენია და რა იყო მიზანი. უბრალოდ, "დავშტერდი" და საერთოდ დავკარგე ფიქრის უნარი. ზუსტად ისეთი იყო სალი, როგორიც ჩემს წარმოსახვაში არსებული ოცნების ქალი. ყველას ხომ ჰყოლია წარმოსახვითი ადამიანი, რომელზეც გიჟდება, უყვარს. აი, ზუსტად ფიქრებიდან და ოცნებებიდან გადმოვარდნილი გოგო ვნახე რეალობაში. მოკლედ, ყველანაირად ვეცადე რომ ეს შეხვედრა არ დამთავრებულიყო და რაც შევძელი იყო ის, რომ 2 დღე გაგრძელდა ეს შეხვედრა - ვიბოდიალეთ, ვისეირნეთ, ლუდი დავლიეთ, ჩუმადაც ვიყავით და მოკლედ, ჩემი ოცნების გოგოსთან ერთად აღმოვჩნდი სრულიად შემთხვევით, სრულიად უგემოვნოდ ჩაცმული, სრულიად დაუგეგმავად და გაუაზრებლად... უბრალოდ, გაოგნებული ვიყავი... არანაირი ლტოლვა და ცხოველური ინსტინქტი, მხოლოდ გაოგნება და მღელვარება იყო, რაც მე იმ ორ დღეში დამემართა და იმის მერე დღემდე მჭირს. ჩვენი ცხოვრების გასაჯაროებაა არ ყოფილა გეგმა. ეს მოხდა თავისთავად. შეხვედრის დღიდან ყველაფერს ვიღებდით, შეხვედრის მიზეზიც გადაღება იყო და ასე უბრალოდ თავისით აღმოჩნდა, რომ უამრავი ვიდეო დაგვიგროვდა. გვსიამოვნებდა სრულიად უცხო ადამიანის კეთილი სიტყვები და ასე ნელ-ნელა ძალაუნებურად შევყევით ამ ამბავს. ვიღებთ თითქმის ყველაფერს, რაც ჩვენს ცხოვრებაში ხდება და ვინახავთ, რომ უამრავი წლის მერე ერთი უდიდესი არქივი დაგვიგროვდეს და შევძლოთ ჩვენი ცხოვრების ყველა მომენტით ტკბობა.

<blockquote class="tiktok-embed" cite="https://www.tiktok.com/@familyguys/video/7394185279692672273" data-video-id="7394185279692672273" style="max-width: 605px;min-width: 325px;" > <section> <a target="_blank" title="@familyguys" href="https://www.tiktok.com/@familyguys?refer=embed">@familyguys</a> აუუ 😂🥰 მოწონება არ დაგეზაროთ, ოფლი მადინეს 😰😂 <a title="გამომყევიაჭარაში" target="_blank" href="https://www.tiktok.com/tag/%E1%83%92%E1%83%90%E1%83%9B%E1%83%9D%E1%83%9B%E1%83%A7%E1%83%94%E1%83%95%E1%83%98%E1%83%90%E1%83%AD%E1%83%90%E1%83%A0%E1%83%90%E1%83%A8%E1%83%98?refer=embed">#გამომყევიაჭარაში</a> <a target="_blank" title="♬ original sound - The Family Guys" href="https://www.tiktok.com/music/original-sound-7394185337624578832?refer=embed">♬ original sound - The Family Guys</a> </section> </blockquote> <script async src="https://www.tiktok.com/embed.js"></script>

სამი შვილი გვყავს - 9 წლის მია, 5 წლის სებე და 2 წლის ნოა. ისინი ჯერ სულ პატარები არიან და სამწუხაროდ, ჩვენთან ერთად ისე აქტიურად ვერ ახერხებენ მოგზაურობას, რადგან ფიზიკურად ვერ ვეტევით ამ სახლ-მანქანაში და ასაკიდან გამომდინარეც, გაუჭირდებათ ჩვენთან ერთად მგზავრობა, მაგრამ ისინიც ძალიან დაინტერესებულები არიან და სულ უყურებენ ჩვენ ვიდეოებს...

- საკმაოდ დიდი ყურადღება მიიქციეთ სოციალურ ქსელებში თქვენი პროფესიული, ცხოვრების სტილისა და ოჯახური ვიდეოების გამოქვეყნებით. გამომწერებს არაერთი კითხვა უჩნდებათ. მოგვიყევით, როგორ ცხოვრობთ სახლ-მანქანაში, რამდენად კომფორტულია ის სამოგზაუროდ და ადამიანის საცხოვრებლად ყველა საჭირო პირობა თუ გაქვთ?

<blockquote class="tiktok-embed" cite="https://www.tiktok.com/@familyguys/video/7311818561939426562" data-video-id="7311818561939426562" style="max-width: 605px;min-width: 325px;" > <section> <a target="_blank" title="@familyguys" href="https://www.tiktok.com/@familyguys?refer=embed">@familyguys</a> ჩვენი ზღაპარი ❤️🚐 მოგწონთ? 🥺❤️ დათაგეთ კომენტარში ვისთან ერთად შემოივლიდით დედამიწას ამ სახლ-მანქანით 🙈❤️ <a title="van" target="_blank" href="https://www.tiktok.com/tag/van?refer=embed">#van</a> <a title="christmas" target="_blank" href="https://www.tiktok.com/tag/christmas?refer=embed">#christmas</a> <a title="2024" target="_blank" href="https://www.tiktok.com/tag/2024?refer=embed">#2024</a> <a title="happy" target="_blank" href="https://www.tiktok.com/tag/happy?refer=embed">#happy</a> <a title="couple" target="_blank" href="https://www.tiktok.com/tag/couple?refer=embed">#couple</a> <a title="vanlife" target="_blank" href="https://www.tiktok.com/tag/vanlife?refer=embed">#vanlife</a> <a title="foryou" target="_blank" href="https://www.tiktok.com/tag/foryou?refer=embed">#foryou</a> <a target="_blank" title="♬ All I Want for Christmas Is You - Mariah Carey" href="https://www.tiktok.com/music/All-I-Want-for-Christmas-Is-You-222454852260487168?refer=embed">♬ All I Want for Christmas Is You - Mariah Carey</a> </section> </blockquote> <script async src="https://www.tiktok.com/embed.js"></script>

- სახლ-მანქანაში ცხოვრება რთული კი არა, ერთი დიდი ბედნიერებაა. სადაც გინდა იქ გაქვს სახლი. ყველაზე მთავარი ისაა, რომ არ ვიცი, როგორ მაგრამ შევძელით რომ ამ მანქანაში ყოფილიყო უთბილესი აურა. აი, სტუმრად ხარ და სახლში რომ ბრუნდები, გეუფლება რაღაც სიმშვიდის და კომფორტის გრძნობა, შენ სახლში რომ ხარ, შენს საწოლში რომ უნდა დაიძინო... აი, ზუსტად ეგ გრძნობა გვეუფლება აქ რომ შემოვდივართ. ეს ჩვენი პატარა, მყუდრო სახლია, რომელიც დაგორავს. მაქსიმალურად, ყველა კომფორტი გვაქვს. “ecoflow”-ს უძლიერესი ელექტრო სისტემა, რომელიც გვაძლევს საშუალებას გამოვიყენოთ უთო, ფენი, მადუღარა, ტოსტერი და ა.შ. გვაქვს 350-ლიტრიანი წყლის ავზი, სამზარეულო, გაზქურა, 2 ადამიანზე გათვლილი რბილი საწოლი. მოკლედ, ყველაფერი, რაც გვჭირდება.

- რამდენად ხშირად გიწევთ უარყოფითი კომენტარების წაკითხვა და რას ფიქრობთ ე.წ. ჰეითერებზე, რომლებმაც ლამის პროფესიად აქციონ სიძულვილის თესვა?

- "ჰეითერებზე" არაფერს ვფიქრობთ საერთოდ. იმდენი საფიქრალი გვაქვს ჩვენს ცხოვრებაზე, ჩვენს ბავშვებზე, ოჯახზე და ა.შ. ნამდვილად არ გვცალია მაგათზე ფიქრისთვის, წერონ და იკითხონ. ამ ცხოვრებაში რაც არ უნდა ქნა, ვიღაც მაინც გაგლანძღავს, ასე რომ არ გვაინტერესებს. ჩვენ ხომ ვიცით, როგორ ვცხოვრობთ და ჩვენ ხომ ვართ ბედნიერად და სიბერეში არც ჩვენ გვემახსოვრება ის ვიღაც სულმდაბალი "ჰეითერი" და არც მას ვემახსოვრებით ჩვენ. ასე რომ, არ გვაინტერესებს ეგ საკითხი.

- გვიამბეთ თქვენს პროფესიებზე, ვიდეოგრაფობა შრომატევადი და მუდმივად განვითარებადი პროფესიაა, როდის დაიწყეთ ამ სფეროში მოღვაწეობა, დაწყებიდან თითოეული თქვენი ნაბიჯის და გავლილი სირთულის შესახებ გვიამბეთ…

- მე-8 წელია ვიდეოგრაფი ვარ. ყველაფერი ერთი პატარა "გოუპროს" კამერით დაიწყო. საქართველოში ვმოგზაურობდი, 3 თვე ვიმოგზაურე ბიუჯეტის გარეშე ავტოსტოპით. მხოლოდ 1 კამერა და ჩანთა გამაჩნდა. მოვიარე თითქმის მთელი ქვეყანა და ავაწყე ამ მოგზაურობის ვიდეო ისე, რომ არც ვიცოდი რა იყო გადაღება და მონტაჟი. პირველივე მცდელობა წარმატებული გამოდგა და აღმოჩნდა, რომ ეს ის საქმეა, რაც მიყვარს.

შემდეგ ზაფხულს შტატივი და რამდენიმე ელემენტი ვიყიდე. უფრო სერიოზული შემართებით კიდევ 3 თვე ვიმოგზაურე საქართველოში. ამჯერად უფრო მაგარი ვიდეო დავდე და საბოლოოდ გადავწყვიტე რომ ამ სფეროში მეტად განვვითარებულიყავი.

შევქმენი “The Wedding Guy”, რომელმაც შეცვალა საქორწილო ვიდეოგრაფიის ტრენდები და ტენდენციები, შემოიღო ახალი სტილი ბაზარზე, გახდა პოპულარული და დღევანდელი დღის ჩათვლით ქმნის ტოპ საქორწილო, ყველაზე თანამედროვე და ხარისხიან საქორწილო ვიდეოებს.

იყო ბევრი გამოწვევა, სირთულე, შრომა, ჯაფა, დაკლებული მხედველობა, დისკოზი, ჯანმრთელობის შელახვა, მაგრამ არა უშავს, მიყვარს კამერა, მიყვარს გადაღება და კიდევ არაერთ სიგიჟე ვიდეოს შევთავაზებ ჩემს მაყურებელს

- პროფესია ხელს გიწყობთ, რომ არაერთი ლამაზი ადგილი ინახულოთ მსოფლიოს გარშემო, მოგზაურობთ და გამომწერებს უზიარებთ ყოველ დეტალს. რომ გვიამბოთ საიდან დაიწყო თქვენი მოგზაურობა…

- ჩვენი პირველი მოგზაურობა გაცნობის დღიდან 1 თვეში შედგა. ყაზბეგში წავედით მე და სალი. ეს იყო ჩემი ყველაზე დაუვიწყარი, ემოციური, საოცნებო მოგზაურობა საოცნებო გოგოსთან ერთად. და მას მერე ასე ექსპრომტად მოგვივა თავში იდეა, რომ წამო აქ წავიდეთ და ვცდილობთ მალევე ავიხდინოთ ეგ სურვილი. ხან სპონსორს ვიშოვით, ხან ჩვენით ვაფინანსებთ ჩვენს მოგზაურობას...

- რამდენ ქვეყანაში ხართ ნამყოფი? რომელ ქვეყანაში მოგზაურობა იყო თქვენთვის განსაკუთრებული და რით იყო გამორჩეული? გვიამბეთ იქაური თავგადასავლის შესახებ, სახალისო თუ ექსტრემალური ამბები ვფიქრობ, არაერთხელ გადაგხდებოდათ

- თურქეთი, საბერძნეთი, ხორვატია, მონტენეგრო, იტალია, შვეიცარია, ტაილანდი, ვიეტნამი, საფრანგეთი, შრი ლანკა, სეიშელის კუნძულები, ეგვიპტე, სომხეთი, ესპანეთი.

<blockquote class="tiktok-embed" cite="https://www.tiktok.com/@familyguys/video/7408636730632310032" data-video-id="7408636730632310032" style="max-width: 605px;min-width: 325px;" > <section> <a target="_blank" title="@familyguys" href="https://www.tiktok.com/@familyguys?refer=embed">@familyguys</a> ყველაზე საშიში გზა 😱 დიდი ხნის ოცნება ავიხდინეთ და ვუყურეთ გათენებას საბერწიაზე 🥹❤️⛰️ <a title="გამომყევიაჭარაში" target="_blank" href="https://www.tiktok.com/tag/%E1%83%92%E1%83%90%E1%83%9B%E1%83%9D%E1%83%9B%E1%83%A7%E1%83%94%E1%83%95%E1%83%98%E1%83%90%E1%83%AD%E1%83%90%E1%83%A0%E1%83%90%E1%83%A8%E1%83%98?refer=embed">#გამომყევიაჭარაში</a> <a target="_blank" title="♬ original sound - The Family Guys" href="https://www.tiktok.com/music/original-sound-7408636774567758608?refer=embed">♬ original sound - The Family Guys</a> </section> </blockquote> <script async src="https://www.tiktok.com/embed.js"></script>

ისტორიების მოყოლა რომ დავიწყო, ვერ გავჩერდები, ამიტომ, ვისაც მოყოლილს ნანახი ურჩევნია, შემოვიდეს ჩვენს "ინსტაგრამ გვერდებზე" და ჰაილაითებში ნახოს სთორები და სიგიჟეები, რაც გადაგვხდენია თავს.

• ავტორი: ანასტასია შალიკაშვილი