მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
შაბათი, მთვარის მეოთხე დღე დაიწყება 07:58-ზე, მთვარე ლომშია – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების ზრდა. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. არ არის რეკომენდებული ახალი საქმეების დაწყება. ასევე, არ არის მიზანშეწონილი რომანტიკული პაემანი. საკვები არ უნდა იყოს ცხიმიანი. კარგია ბოსტნეული, სალათები; დამამშვიდებელი ბალახებისგან დამზადებული მცენარეული ჩაი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ხდება ცნობილი პუტინის და კაბაევას ვაჟებზე: განსაკუთრებული დაცვა, ძიძები და ინგლისურის მასწავლებელი 8000 დოლარად - რა დაადგინა "დოსიეს" გამოძიებამ?
10:02 / 09-09-2024
რუსეთის პრეზიდენტს ვლადიმერ პუტინს ორი მცირეწლოვანი ვაჟი ჰყავს, რომლებსაც უყვართ დისნეის პერსონაჟების განსახიერება და ეს მათ დიქტატორ მამას სძულს. ამის შესახებ საუბარია "დოსიეს" გამოძიებაში.
- გამოძიების მიხედვით, პუტინის ვაჟების სახელებია ივანი და ვლადიმერი. ივანი ცხრა წლისაა, ხოლო ვლადიმერ ჯუნიორი - ხუთის. ბავშვები დროის უმეტეს ნაწილს კარგად დაცულ რეზიდენციაში, ვალდაიში ატარებენ. ბავშვების დედა ტანმოვარჯიშე, 41 წლის ალინა კაბაევაა, რომელთანაც წლებია, რაც ვლადიმერ პუტინს სასიყვარულო ურთიერთობა აქვს.
გამოძიებაში აღნიშნულია, რომ ბავშვებზე ზრუნავენ მასწავლებლები, ძიძები, პირადი მზარეულები, სპორტული ტრენერები და სხვა პერსონალი. ბიჭებს შეუძლიათ ითამაშონ ლეგოს სათამაშოებით, ჰყავთ პონები, კურდღლები და ასევე ძაღლი, რომელსაც FSB-ს აგენტები უვლიან. ისინი, მამის მსგავსად, მხოლოდ საკუთარი, პირადი ჭიქიდან სვამენ.
- მამის ვიზიტი ბიჭებისთვის "განსაკუთრებულია". რუსეთის პრეზიდენტის ძალიან უყვარს ყინულის ჰოკეის თამაში უფროს ვაჟთან, ივანთან ერთად. ასეთი თამაშების დროს გუნდი მთლიანად FSB-ს აგენტებით არის დაკომპლექტებული და უსაფრთხოების განსაკუთრებული ზომებია მიღებული. გამოძიების მიხედვით, მამა-შვილი ყოველთვის ერთ გუნდში თამაშობს.
რუსეთის პრეზიდენტს თურმე ძალიან აწუხებს ერთი ფაქტი - მისი ვაჟები დასავლური გავლენისგან მთლიანად დაცულები არ არიან, რადგან ბავშვებს ძალიან უყვართ დისნეის ფილმები და უფრო მეტიც, მათი გმირების განსახიერება. მამას ეს აღიზიანებს და ურჩევნია, რომ ვაჟებმა საბჭოთა მულტფილმებს უყურონ.
"ჩვენი საბჭოთა მულტფილმები სრულიად განსხვავებული ხარისხისაა. მათი ემოციური გავლენა ადამიანზე სრულიად განსხვავებულია", - თქვა პუტინმა 2024 წლის იანვარში.
აღსანიშნავია, რომ ბიჭებისთვის ინგლისურის მასწავლებელს ეძებდნენ და ვაკანსია იყო გამოცხადებული. მართალია არ იყო მითითებული ოჯახის ვინაობა, თუმცა სამუშაოს აღწერილობაში აღნიშნული იყო, რომ მუშაობის დაწყებამდე ორკვირიანი სავალდებულო კარანტინი უნდა გაევლო კანდიდატს ვალდაიში. შეთავაზებული ხელფასი თვეში 8 500 დოლარი იყო. გამოძიების ცნობით, ომის დაწყების შემდეგ, ოჯახი მომსახურე პერსონალის დაქირავებისას უპირატესობას აფრიკელ კანდიდატებს ანიჭებს.
- რა ვიცით პუტინის ვაჟების დედის, ალინა კაბაევას შესახებ?
ალინა კაბაევა, ყოფილი ტანმოვარჯიშე ხშირად არის მედიის ყურადღების ცენტრში და მის შესახებ როგორც დასავლურ, ასევე რუსულ მედიაში არაერთი კულუარული ინფორმაცია ვრცელდება. არსებული ინფორმაციით, წარსულში მას ქართველი საქმრო ჰყავდა. რუსული მედია ასევე ხშირად წერს მსახიობ ანა გორშკოვაზე და მოიხსენიებს ქალად, რომელმაც პუტინის ფავორიტ ალინა კაბაევას ქართველი საქმრო, შალვა მუსელიანი "წაართვა".
2006 წელს ანამ შალვა მუსელიანთან ერთად დაიწყო საზოგადოებრივ ადგილებში გამოჩენა. რუსული მედია წერდა, რომ ქართველი დავით მუსელიანის ტემპერამენტმა გორშკოვას სილამაზეს ვერ გაუძლო და კაბაევას დაშორდა... მოგვიანებით დავითი ალინასთან ისევ დაბრუნდა, მაგრამ მათი ურთიერთობა ვეღარ შედგა.
ალინა კაბაევა 15 წლით უფროს პოლიციის ქართველ კაპიტანს 1998 წელს შეხვდა, იმ დროს დავითი მოსკოვის ერთ-ერთ ოლქში პოლიციის განყოფილების უფროსის მოადგილედ მუშაობდა და დაოჯახებული იყო. მათი ურთიერთობა მალე დიდ სიყვარულში გადაიზარდა, მაგრამ ცნობილი ტანმოვარჯიშე ამ რომანს საგულდაგულოდ მალავდა.
დავით მუსელიანი ქართველია, დაიბადა და გაიზარდა ქუთაისში მრავალშვილიან ოჯახში (ხუთი ძმა და და). მას მედიაში უფრო შალვა მუსელიანის სახელით იცნობენ. განათლება მშობლიურ ქალაქში მიიღო და საცხოვრებლად მოსკოვში გადავიდა.
ნახეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
