ჯენიფერ ლოპესის "შურისძიების კაბა" - ბენ აფლეკთან დაშორების შემდეგ, მომღერალი პირველად ტორონტოს კინოფესტივალზე გამოჩნდა (ფოტოები)
ბენ აფლეკთან დაშორების შემდეგ, ჯენიფერ ლოპესი საჯაროდ პირველად გამოჩნდა. ის ტორონტოს საერთაშორისო კინოფესტივალზე, წითელ ხალიჩაზე ვიხილეთ.
ჯენიფერს ეცვა კაბა Tamara Ralph-ის 2024 წლის შემოდგომა-ზამთრის კოლექციიდან.
სექსუალურ, მბრწყინავ ვერცხლისფერ კაბაში ჯეილო თვითონაც ბრწყინავდა და ფანების აზრით, მან პრინცესა დაიანას ცნობილი "შურისძიების კაბის" თავისი ვერსია შემოგვთავაზა.
ჯენიფერი ფილმ Unstoppable-ის პრემიერას დაესწრო. ფილმში ჯენიფერი ერთ-ერთ მტავარ როლს ასრულებს. კინოსურათის პროდიუსერი ბენ აფლეკია, თუმცა პრემიერაზე ის არ გამოჩენილა.
ცნობისთვის, ჯენიფერ ლოპესი და ბენ აფლეკი 2022 წელს დაქორწინდნენ, წყვილი 2024 წლის მარტიდან საზოგადოებაში ერთად არ გამოჩენილა. ცნობილი ადამიანების ქორწინების კრიზისის შესახებ ჭორები აპრილში გავრცელდა, რამდენიმე კვირის წინ კი ოფიციალურად დადასტურდა მათი განშორების ამბავი.