"სირცხვილია, ამდენი წელია მამაჩემს ეს გადაცემა მიჰყავდა და დახურეს, ხელოვან ადამიანს ჟანგბადი რომ გადაუკეტო და დატოვო უმოქმედოდ, იგივეა" - რას წერს ლენუკა ყიფშიძე?
საზოგადოებრივ მაუწყებელზე მსახიობ ზურა ყიფშიძის გადაცემა "ჰოპლა! ჩვენ ვცოცხლობთ" დაიხურა.
ფაქტს სამარცხვინოს უწოდებს მსახიობის შვილი ლენუკა ყიფშიძე და ამბობს, რომ გადაცემა ერთ-ერთი საუკეთესო იყო.
"ხელოვნება ჩვენ ქვეყანაში ასე არ აინტერესებდეთ და არ აფასებდნენ, ძალიან სამწუხაროა. აი, ძალიან... ამდენი წელია მამაჩემს ეს გადაცემა მიჰყავდა და დახურეს უკვე რამდენი ხანია. მერე უკვირთ რაღაც-რაღაცები. ხელოვან ადამიანს ჟანგბადი რომ გადაუკეტო და დატოვო უმოქმედოდ, იგივეა. სირცხვილია და მეტი არაფერი…. ერთ-ერთი საუკეთესო და საინტერესო გადაცემა იყო" - წერს ლენუკა ყიფშიძე.