"ქალს ტუჩები აღარ აქვს..." - კაცმა პაემნიდან ქალი გაიტაცა და 5 წელი მასზე სასტიკ ექსპერიმენტებს ატარებდა, ასევე ძალადობდა სექსუალურად: საზარელი დანაშაული პოლონეთში
გასულ კვირას პოლონეთში 35 წლის მატეუშ იაკი დააკავეს - მამაკაცს ფსიქიკურ, ფიზიკურ და სექსუალურ ძალადობაში სდებენ ბრალს. პოლიციამ მისი დაკავების ორდენი მას შემდეგ გასცა, რაც საავადმყოფოს ერთ-ერთმა პაციენტმა სხვებს მოუყვა, თუ როგორ გააუპატიურეს და აწამეს დასავლეთ პოლონეთში, სოფელ გლოგოვში მდებარე შენობაში.
დანაშაულში ეჭვმიტანილი 30 აგვისტოს დააკავეს. ვარაუდობენ, რომ მან ქალი პაემნის დროს გაიტაცა და ხუთი წლის განმავლობაში ჰყავდა გამოკეტილი თავის საკუთრებაში არსებულ ბეღელში. როგორც ცნობილია, მას გამტაცებლისგან შვილი შეეძინა, რომელიც გააშვილეს.
„საავადმყოფოში ყოფნისას სხვა პაციენტებს თავის ამბავს უყვებოდა. ისინი კონფიდენციალურად საუბრობდნენ, მაგრამ პაციენტებმა მომხდარის შესახებ ექიმებს შეატყობინეს. მხოლოდ ამის შემდგე დაიწყო გამოძიება. ის მართლაც მძიმე მდგომარეობაშია, როგორც ფიზიკურად, ასევე ფსიქოლოგიურად. ქალს ტუჩები არ აქვს... მისი სახე სისხლჩაქცევებითაა დაფარული" - ამბობს გამოძიებასთან დაახლოებული წყარო.
გავრცელებული ინფორმაციით, მამაკაცი მასზე სხვადასხვა სახის "ექსპერიმენტს" ატარებდა. ქალი საავადმყოფოში ხელის მოტეხილობით მივიდა, ასევე აღენიშნებოდა ძალადობის ნიშნები.
იაკს 25 წლით თავისუფლების აღკვეთა ემუქრება - მისი მშობლები აცხადებენ, რომ მსგავს რამეს ვერასდროს წარმოიდგენდნენ:
"მე და ჩემს მეუღლეს აქ ქალი არ დაგვინახავს. ეს ჩვენთვის შოკია. შეუძლებელია. წარმოუდგენელია, რომ ეს ყველაფერი წლები გრძელდებოდა." - ამბობს დაკავებულის მამა.