მნიშვნელოვანი ინფორმაცია
7
ივლისიდღის ზოგადი ასტროლოგიური პროგნოზი
ორშაბათი, მთვარის მეცამეტე დღე დაიწყება 20:04-ზე, მთვარე მშვილდოსანს ესტუმრება 02:05-ზე –
კარგია ჯგუფური მუშაობისთვის, ახალი ინფორმაციის მოსაპოვებლად, ახალი სასწავლო ციკლების დასაყენებლად. საყოფაცხოვრებო ნივთების დაგროვების, შეძენისა და წარმოების დღე. კარგია პურის გამოცხობა. შეიტანეთ კორექტირება ბიზნესში და გააფართოვეთ გავლენის სფეროები. ხელი მოაწერე ხელშეკრულებებს. კარგია თანამშრომლების დაქირავება, საჯარო ღონისძიებების ჩატარება. მიიღეთ ახალი ინფორმაცია, გაიუმჯობესეთ განათლება. იმუშავეთ გუნდში და განიხილეთ აქტუალური საკითხები კოლეგების ან თანამოაზრეების გარემოცვაში. აქტიური ორგანოებია: თეძოები, ვენები, საჯდომის ნერვი. ფაფა, ბოსტნეული და ხილი შეუცვლელია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თუ ბატონმა ლავროვმა თქვა, რომ ჩვენ ვიბრუნებთ იდენტობას, მაშინ მას რაღაცები არევია" - ლევან მაჭავარიანი
15:27 / 07-09-2024
თუ ბატონმა ლავროვმა, მართლა ისეთი განცხადება გააკეთა, რომ ჩვენ ვიბრუნებთ ჩვენს იდენტობას, მაშინ მას რაღაცები არევია. ჩვენ არაფერი დასაბრუნებელი არ გვაქვს, ჩვენ ჩვენი იდენტობა მოგვყვება საუკუნეების განმავლობაში. ქართველმა მოახდინა თავისი იდენტიფიცირება თავის სულიერ თავგადასავალთან, ეს არის: მამული ენა და სარწმუნოება, - ამის შესახებ „ქართული ოცნების“ წევრმა, ლევან მაჭავარიანმა რუსეთის საგარეო უწყების ხელმძღვანელის, სერგეი ლავროვის განცხადების შეფასებისას გააკეთა, რომელიც „ქართული იდენტობის გაცნობიერებას“ ეხებოდა.
მაჭავარიანის თქმით, ლავროვის განცხადება არ მოუსმენია, თუმცა მისივე შეფასებით, რუსეთის მხრიდან გაკეთებული ამგვარი განცხადებები მხოლოდ „ოპოზიციის წისქვილზე ასხამს წყალს“.
„საუკუნეებია ამ გზაზე ჩვენ ძალიან მყარად ვდგავართ. „ქართული ოცნება“ ატარებს სწორედ იმ პოლიტიკას, რომ ეს იდენტობა იქნას შენარჩუნებული. ჩვენ არაფერი დაკარგული არ გვაქვს, არაფერი დასაკარგი არ გვაქვს და ამ ქვეყანაში, ჩვენ ვართ იმის გარანტი, რომ ჩვენს იდენტობას, კულტურას, ღირებულებებს, არანაირი საფრთხე არ დაემუქრება.
რამდენჯერაც რუსეთმა „შეგვაქო“, ეგ „ქება“ მხოლოდ რადიკალური ოპოზიციის წისქვილზე ასხამს წყალს. ოთხი თვის წინ, როდესაც საპროტესტო აქციები მიმდინარეობდა რამდენ განცხადებასაც აკეთებდნენ რუსეთის მაღალჩინოსნები, ყველა განცხადება მიმართული იყო იმისთვის,რომ მუხტი გაღვივებულიყო. შესაბამისად, თუ ისინი აგრძელებენ ისეთი ტიპის განცხადებების გაკეთებას,რომელიც მხოლოდ ჩვენ გვაზიანებს და ოპოზიციის წისქვილზე ასხამს წყალს, ჩნდება ლოგიკური კითხვა - ვინ არის რადიკალური ოპოზიციიდან გარიგებული რუსეთის მაღალჩინოსნებთან, რომელიც იმ "მესიჯბოქსსა" და ნარატივს ატარებს, რომელიც რადიკალურ ოპოზიციას აწყობს”, - განაცხადა ლევან მაჭავარიანმა.
მისი თქმით, ერთადერთი მიზანი დროებით დაკარგული ტერიტორიების მშვიდობიანი გზით დაბრუნებაა.
„რუსეთი არის ოკუპანტი. შესაბამისად, ოკუპანტთან ჩვენ არანაირი საქმე არ გვაქვს. ერთადერთი, რაც არის ჩვენი მიზანი და, რა თქმა უნდა, ჩვენ მაგას აუცილებლად შევასრულებთ, ჩვენ მშვიდობიანი გზით დავიბრუნებთ დროებით დაკარგულ, დროებით ოკუპირებულ ტერიტორიებს. დასავლეთი არის დასავლეთი, დასავლეთი არის ჩვენი მეგობარი, ჩვენი სტრატეგიული მეგობარი აშშ-ც და ევროკავშირიც. ხანდახან არის ხოლმე ისეთი ტიპის გაუგებრობები, როგორიც არის ხოლმე სამეგობროში, ოჯახებში, მაგრამ შემდეგ ყველაფერი თავის ძველ ნიშნულს უბრუნდება. რა თქმა უნდა, ასე იქნება ჩვენი ურთიერთობაც დასავლეთთან, რომელიც გპირდებით, ძალიან გრძელვადიანი იქნება. როგორც საქართველოს სჭირდება მეგობრობა აშშ-სთან და ევროკავშირთან,ისე აშშ-ს და ევროკავშირს მეგობრობა საქართველოსთან ჩვენი დალოცვილი უნიკალური ადგილმდებარეობიდან გამომდინარე“, - განაცხადა ლევან მაჭავარიანმა.
ცნობისთვის, რუსეთის საგარეო საქმეთა მინისტრმა სერგეი ლავროვმა მედიაჰოლდინგ РБК-სთან ინტერვიუში ქართულ პოლიტიკაში მიმდინარე ვითარებაზე ისაუბრა და განაცხადა, რომ თანამედროვე ქართული ხელმძღვანელობის პოლიტიკა დაკავშირებულია ეროვნული ქართული იდენტობის გაცნობიერებასთან და ლიბერალური დემოკრატიის ღირებულებების მავნებლობის გააზრებასთან.
წაიკითხეთ ასევე:
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
12 წელია ხელისუფლებაში ხართ, მაგრამ ძვრა არ ყოფილა და როდის უნდა დაიბრუნოთ, ეგრე იოლი თუა დაკარგული ტერიტორიების დაბრუნება, რატომ აქამდე არ ეცადეთ თუ ეგ წინასაარჩევნო საკენკია მავანთათვის
ისე კარგი სიტყვებია, სწორი, მართალი. როგორც წითელი კაბა არ უხდება კაცს, ისე ვერ მოირგებთ მაგ ჭეშმარიტებას.