მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“მადლობა თქვენი სიყვარულისთვის და მემეებისთვის“ - გირაოთი გათავისუფლების შემდეგ პაველ დუროვმა პირველი განცხადება გაავრცელა: რას გეგმავს მილიარდერი
10:20 / 06-09-2024
“ტელეგრამის“ დამფუძნებელმა და აღმასრულებელმა დირექტორმა, პაველ დუროვმა გირაოთი დაკავების შემდეგ პირველი საჯარო განცხადება გაავრცელა და მისი დაკავების შესახებ ისაუბრა.
“მადლობა ყველას მხარდაჭერისთვის და სიყვარულისთვის!“ - ამ ფრაზით იწყებს წერილს მილიარდერი.
როგორც ტელეგრამარხის გვერდზე წერს, საფრანგეთის ხელისუფლების მიერ, მისი დაკავება ახალგაზრდა მილიარდერისთვის მოულოდნელი იყო.
“გასულ თვეში, პარიზში ჩასვლის შემდეგ 4 დღის განმავლობაში პოლიციამ დამკითხა. მითხრეს, რომ შეიძლება პირადად ვიყო პასუხისმგებელი სხვა ადამიანების მიერ “ტელეგრამის“უკანონო გამოყენებაზე, რადგან საფრანგეთის ხელისუფლებას არ მიუღია პასუხები “ტელეგრამისგან“, - წერს დუროვი.
მისი თქმით, ამან გააკვირვა რამდენიმე მიზეზის გამო:
- “ტელეგრამს“ ჰყავს ოფიციალური წარმომადგენელი ევროკავშირში, რომელიც იღებს და პასუხობს ევროკავშირის მოთხოვნებს, საფრანგეთის ხელისუფლებას მრავალი გზა ჰქონდა მასთან დასაკავშირებლად დახმარების სათხოვნელად, ის ხშირად სტუმრობდა დუბაიში საფრანგეთის საკონსულოს და შექმნა “ტელეგრამის“ ცხელი ხაზი საფრანგეთში ტერორიზმის საფრთხის წინააღმდეგ საბრძოლველად.
ამასთან, მისი თქმით, თუ ქვეყანა უკმაყოფილოა ინტერნეტ სერვისით, ჩვეულებრივი პრაქტიკაა თავად სერვისის წინააღმდეგ სასამართლო პროცესის დაწყება.
დუროვის მტკიცებით, “ტელეგრამის“ მომხმარებელთა რაოდენობის მკვეთრმა ზრდამ, 950 მილიონამდე გამოიწვია პრობლემები, რამაც თავდამსხმელებს პლატფორმის ბოროტად გამოყენება გაუადვილა.
რაც შეეხება კონფიდენციალურობას, დუროვის თქმით, “კონფიდენციალურობასა და უსაფრთხოებას შორის სწორი ბალანსის დამყარება ადვილი არ არის. თქვენ უნდა შეათანხმოთ კონფიდენციალურობის შესახებ კანონები სამართალდამცავ მოთხოვნებთან, ხოლო ადგილობრივი კანონები - ევროკავშირის კანონებთან.
ჩვენ მზად ვართ ვითანამშრომლოთ მარეგულირებელებთან, რათა ვიპოვოთ სწორი ბალანსი. დიახ, ჩვენ ვიცავთ ჩვენს პრინციპებს: ჩვენი გამოცდილება ყალიბდება ჩვენი მისიით, დავიცვათ ჩვენი მომხმარებლები ავტორიტარულ რეჟიმებში. მაგრამ ჩვენ ყოველთვის ღია ვიყავით დიალოგისთვის.
- ზოგჯერ ჩვენ არ ვეთანხმებით ქვეყნის მარეგულირებელს კონფიდენციალურობასა და უსაფრთხოებას შორის სწორ ბალანსს. ამ შემთხვევაში მზად ვართ დავტოვოთ ეს ქვეყანა. ჩვენ ეს ბევრჯერ გავაკეთეთ. როდესაც რუსეთმა მოითხოვა, რომ გადაგვეცა “დაშიფვრის გასაღებები“ ჩვენ უარი ვთქვით - და Telegram რუსეთში აიკრძალა. როდესაც ირანმა მოითხოვა მშვიდობიანი მომიტინგეების არხების დაბლოკვა, ჩვენ უარი ვთქვით - და Telegram აიკრძალა ირანში. მზად ვართ დავტოვოთ ბაზრები, რომლებიც არ შეესაბამება ჩვენს პრინციპებს, რადგან ჩვენ ამას არ ვაკეთებთ ფულისთვის,“ - აღნიშნულია მიმართვაში.
“იმედი მაქვს, რომ აგვისტოს მოვლენები Telegram - სა და მთლიანად სოციალური ქსელების ინდუსტრიისთვის უფრო უსაფრთხო და ძლიერი გახდება. კიდევ ერთხელ მადლობა თქვენი სიყვარულისთვის და მემებისთვის,“ - აცხადებს პაველ დუროვი.
შეგახსენებთ, “ტელეგრამის“ დამფუძნებელი და აღმასრულებელი დირექტორი, პაველ დუროვი 24 აგვისტოს პარიზის აეროპორტში დააკავეს. სამართალდამცავი ორგანოები მას ნარკოტრეფიკში, პედოფილიასა და თაღლითობაში თანამონაწილეობაში ადანაშაულებენ, მესინჯერის ადმინისტრაციის საფრანგეთის ხელისუფლებასთან თანამშრომლობაზე უარის გამო. დუროვი 28 აგვისტოს გირაოს სანაცვლოდ პატიმრობიდან გაათავისუფლეს. დუროვმა გირაოს სახით 5 მილიონი ევრო უნდა გადაიხადოს.
იხილეთ ასევე:
- “არასრულწლოვანთა პორნოგრაფია, ნარკოტრაფიკი და სხვა“ - მძიმე ბრალდებები "ტელეგრამის" დამფუძნებლის წინააღმდეგ: პარიზის პროკურატურის განცხადება და მაკრონის კომენტარი
- მილიარდერი, რომელსაც 100-ზე მეტი ბიოლოგიური შვილი ჰყავს: Telegram-ის თანადამფუძნებელის სკანდალური აღიარება - "შვილები 12 ქვეყანაში მყავს"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
