ანა ვინტური და ნაომი კემპბელი ერთმანეთს საჯაროდ, სცენაზე დაუპირისპირდნენ - რა თქვა Vogue-ს რედაქტორმა სუპერმოდელზე, რამაც ნაომის გაღიზიანება გამოიწვია

მოდის ინდუსტრიის ლეგენდარული წარმომადგენლები ანა ვინტური და ნაომი კემპბელი ერთმანეთს საჯაროდ დაუპირისპირდნენ.

• სუპერმოდელი და Vogue-ს მთავარი რედაქტორი ნიუ იორკში Harlem's Fashion Row Fashion Show & Style Awards-ს დაესწრნენ, სადაც "მოდის ლეგენდის" ჯილდო ნაომისთვის ანა ვინტურს უნდა გადაეცა. იმ მომენტში, როცა ანა სცენაზე ავიდა, ნაომი დარბაზში არ იმყოფებოდა, მან დააგვიანა. ანა ვინტურმა კი თქვა - "ეს ჯილდო გადაეცემა მას, ვინც ხშირად აგვიანებს“.

საზოგადოებისთვის ცნობილია ანა ვინტურის სიმკაცრის შესახებ, Vogue-ს რედაქტორი განსაკუთრებით შეუწყნარებელია არაპუნქტუალური ადამიანების მიმართ და მისთვის მნიშვნელობა არ აქვს ვინ აგვიანებს.

მოგვიანებით, როდესაც უკვე ნაომი კემპბელი დარბაზში მივიდა, ჯილდო მას Harper’s Bazaar-ის მთავარმა რედაქტორმა, სამირა ნასრიმ გადასცა.

ნაომი კემპბელი კუთვნილი ჯილდოს მისაღებად სცენაზე ავიდა და სიტყვით გამოსვლისას ანა ვინტურის რეპლიკა უყურადღებოდ არ დაუტოვებია, - "ბევრად უკეთესია, რომ ჯილდო სხვამ გადმომცა, ის ჩემი არჩევანია“, - თქვა ნაომიმ და Harper’s bazaar-ის რედაქტორზე მიუთითა.

TMZ-ის ცნობით, ანამ ღონისძიება ადრე დატოვა, რადგან აშშ-ის ღია პირველობაზე დასასწრებად მიდიოდა.

• ცნობისთვის, Vogue და Harper's Bazaar მოდის სფეროში იტორიულად დაპირისპირებული გამოცემებია.