“ზოგჯერ მგონია, რომ უკრაინას უცხოპლანეტელები მართავენ“ - რას გეგმავს რუსეთი კურსკის რეგიონში და დაიწყება თუ არა სამშვიდობო მოლაპარაკებები: დიქტატორი ვითარებას აფასებს

“ზოგჯერ მრჩება შთაბეჭდილება, რომ, ისინი, ვინც უკრაინას მართავენ, უცხოპლანეტელები არიან“, - ამის შესახებ რუსეთის ფედერაციის პრეზიდენტმა ვლადიმერ პუტინმა აღმოსავლეთის ეკონომიკურ ფორუმზე, ორ ქვეყანას შორის არსებული საომარი მდგომარეობის შეფასებისას განაცხადა.

პუტინმა უკრაინასთან მოლაპარაკების შესაძლებლობაზეც ისაუბრა და განაცხადა, რომ რუსეთს ესმის, ვისთან აქვს საქმე და რომ მეორე მხარე თავის ვალდებულებებს არღვევს.

“ჩვენ გვესმის, ვისთან გვაქვს საქმე - ეს არის ხალხი, ვინც არ აფასებს და პატივს არ სცემს სხვა ქვეყნების და ხალხების ინტერესებს. ასეთი ადამიანები, სამწუხაროდ, არსებობენ. ისინი ადვილად არღვევენ ყველა ვალდებულებას, ხელმოწერილ დოკუმენტებსაც კი“, - განაცხადა მან.

კურსკის რეგიონში არსებული ვითარებას შეაფასა და აღნიშნა, რომ “მთელი რუსეთის ფედერაციის წმინდა მოვალეობაა კურსკის რეგიონის გასათავისუფლებლად ყველაფერი გააკეთოს“.

“პირველ რიგში, უნდა ვიფიქროთ ადამიანებზე, რომლებიც გადიან ამ განსაცდელებს და “ტერორისტულ თავდასხმებს კურსკში“. კიევს სურდა არეულობა გამოეწვია“, - განაცხადა ვლადიმერ პუტრინმა თუმცა, იქვე აღნიშნა, რომ მისმა სამხედროებმა “სიტუაცია შედარებით დაასტაბილურეს და მტრის გაძევება დაიწყეს“.

ცნობისთვის, აღმოსავლეთის ეკონომიკური ფორუმი 3-6 სექტემბერს ვლადივოსტოკში იმართება.