გვალვის შედეგად საბერძნეთში ტბა დაშრა და ათწლეულების წინ ჩაძირული სოფელი გამოჩნდა - ხელისუფლების მიმართვა და ფოტოები ადგილიდან

ცხელი ზაფხულისა და გვალვის შემდეგ, საბერძნეთში უზარმაზარი ტბა შრება. ეს ტბა წყლით ამარაგებდა ქვეყნის მოსახლეობის თითქმის ნახევარს.

"დღითი დღე წყალი კლებულობს“, - თქვა საბრძნეთის დორიდას მუნიციპალიტეტის მერმა დიმიტრის ჯანოპულოსმა. აღსანიშნავი კი ის ფაქტია, რომ წყლის კლებასთან ერთად, თითქმის 40 წლის წინ დაკარგული სოფლის ნანგრევების ხილვა გახდა შესაძლებელი.

• სოფელი კალიო 1980 წელს ხელოვნურად დატბორეს, რათა მუდმივად მზარდი წყლის საჭიროებების დასაკმაყოფილებლად ტბა შექმნილიყო.

საბერძნეთის არიდულმა ხმელთაშუა ზღვის კლიმატმა ის განსაკუთრებით მგრძნობიარე გახადა გლობალური დათბობის შედეგების მიმართ. მეცნიერები ამბობენ, რომ ექსტრემალური ამინდი, რომელიც დაკავშირებულია კლიმატის ცვლილებასთან, ტბის დაშრობას იწვევს.

"არ ვიცით, რა იქნება უახლოეს პერიოდში. თუ უნალექო ზამთარი გვექნება, საქმე გართულდება“. - აცხადებენ საბერძნეთის ოფიალური პირები და მოქალაქეებს მოუწოდებენ წყლის ხარჯი შეამცირონ.

საბერძნეთის ეროვნული ობსერვატორიის მიერ გამოქვეყნებული სატელიტური სურათების მიხედვით, ტბის ზედაპირის ფართობი 2022 წლის აგვისტოში დაახლოებით 16,8 კვადრატული კილომეტრიდან (6,5 კვადრატული მილი) 12,0 კვადრატულ კილომეტრამდე (4,6 კვადრატული მილი) შემცირდა.