"ჰაერში საშობაო განწყობა უკვე იგრძნობა" - ნიკოლას მადურომ შობის დღესასწაული 1-ელ ოქტომბერს გადმოიტანა
ვენესუელის პრეზიდენტმა, ნიკოლას მადურომ ქვეყანაში შობის დღესასწაული 1-ელ ოქტომბერს გადმოიტანა. ამის შესახებ დიქტატორმა ვენესუელელებს პირდაპირ ეთერში აუწყა და თქვა, რომ მიმდინარე წელს საშობაო ღონისძიებები დეკემბრის მაგივრად, ოქტომბერში გაიმართება.
- პრეზიდენტმა გადაწყვეტილება მის მიერ კიდევ ერთხელ გაყალბებული საპრეზიდენტო არჩევნებისა და უკანონოდ გამარჯვების გამო შექმნილი დაძაბულობის ფონზე მიიღო.
"სექტემბერია და ჰაერში შობა უკვე იგრძნობა. ამიტომ წელს, თქვენდამი პატივისცემისა და მადლიერების ნიშნად, შობას 1-ელ ოქტომბერს გადმოვიტან!" - პირდაპირ ეთერში მიმართა მოსახლეობას მადურომ..
ცნობისთვის, ეს ვენესუელაში შობის ნაადრევად აღნიშვნის პირველი შემთხვევა არაა - მადურომ იგივე კოვიდ პანდემიის დროსაც გააკეთა. ქვეყნის საარჩევნო კომისიამ მადურო 28 ივლისის არჩევნების გამარჯვებულად გამოაცხადა. შედეგების გამოცხადებას ქვეყანაში მასობრივი საპროტესტო აქციათა ტალღა მოჰყვა.
ვენესუელის საპრეზიდენტო არჩევნების შედეგებს ცივილიზებული სამყაროს არცერთი ქვეყანა არ ცნობს, მათ შორის, აშშ. შედეგებს აღიარებს მადუროს რეჟიმის მხარდამჭერი ისეთი ქვეყნები, როგორებიცაა რუსეთი, ჩინეთი, ჩრდილოეთ კორეა და ა.შ.