მნიშვნელოვანი ინფორმაცია
24
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამერვე დღე დაიწყება 02:47-ზე, მთვარე ტყუპშია – შეგიძლიათ დაიწყოთ ნებისმიერი საქმე. განსაკუთრებით მიწისა და უძრავი ქონების შესაძენად. აკეთეთ ბიზნესი და იმუშავეთ. დაიწყეთ ახალი საქმეები. მოაგვარეთ ფინანსური საკითხები. გააფორმეთ მნიშვნელოვანი დოკუმენტები, ხელშეკრულებები და კონტრაქტები. შეინარჩუნეთ სიმშვიდე და კეთილგანწყობა ყველა საკითხში. საიდუმლოდ შეინახეთ თქვენი წარმატებები და მიღწევები. უხვად მიირთვით მწვანილი, ხილი და ბოსტნეული. უმჯობესია რაციონიდან გამორიცხოთ მარცვლეული და ცხოველური საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დიდი გადაწყობა უკრაინის მთავრობაში თუ..? - რადამ კულებას გადადგომის განხილვა გადადო: რას აცხადებს ზელენსკი და როგორ აფასებს ქართველი ექსპერტი უკრაინულ ცვლილებებს?
16:15 / 04-09-2024
უკვე ცნობილია, რომ უკრაინის უმაღლესმა რადამ 3 მინისტრის განცხადებას თანამდებობიდან წასვლის შესახებ მხარი დაუჭირა.
რადას გადაწყვეტილებით, თანამდებობები დატოვეს: მრეწველობის, იუსტიციის და გარემოს დაცვისა და ბუნებრივი რესურსების მინისტრებმა.
თანამდებობა დატოვა ევროპულ და ევროატლანტიკურ სტრუქტურებში ინტეგრაციის საკითხებში ვიცე-პრემიერმა ოლგა სტეფანიშინამ.
ხოლო, უკრაინის პარლამენტმა ვიცე პრემიერ-მინისტრის, უკრაინის დროებით ოკუპირებული ტერიტორიების რეინტეგრაციის მინისტრის - ირინა ვერეშჩუკის განცხადებას წასვლის შესახებ, მხარი არ დაუჭირა.
სავარაუდოდ უკრაინის იუსტიციის მინისტრის პოსტს სტეფანიშინა დაიკავებს.
რაც შეეხება კულებას განცხადებას, რადას დეპუტატებმა საგარეო საქმეთა მინისტრის, დიმიტრი კულებას გადადგომის საკითხის განხილვა გადადეს.
უკრაინის პრეზიდენტის, ვოლოდიმირ ზელენსკის თქმით, ქვეყნის მინისტრთა კაბინეტში ცვლილებები “საჭიროა სახელმწიფოს განმტკიცებისთვის სხვადასხვა სფეროში“. UNIAN-ის ინფორმაციით, ამის შესახებ პრეზიდენტმა ირლანდიის პრემიერ-მინისტრთან საიმონ ჰარისთან შეხვედრის შემდეგ გამართულ პრესკონფერენციაზე ისაუბრა.
- “მე უკვე ვისაუბრე ჩვენი მინისტრთა კაბინეტის გადატვირთვაზე. მადლობელი ვარ მინისტრების და მინისტრთა კაბინეტის მთელი გუნდის, რომლებიც მუშაობდნენ უკრაინისთვის და უკრაინელებისთვის“, - განაცხადა სახელმწიფოს მეთაურმა.
მისი თქმით, დღეს საჭიროა “ახალი ენერგია“.
“ეს ნაბიჯები დაკავშირებულია ჩვენი სახელმწიფოს გაძლიერებასთან სხვადასხვა მიმართულებით", - აღნიშნა ზელენსკიმ და დააკონკრეტა, რომ ჯერ არ შეუძლია პროგნოზირება, თუ რა სფეროშ წავლენ ყოფილი მინისტრები.
როგორც გამოცემა Kyiv Independent-ს უკრაინელმა დეპუტატმა და პარლამენტის საგარეო ურთიერთობათა კომიტეტის თავმჯდომარემ, ოლექსანდრ მერეჟკომ განუცხადა, “სამთავრობო ცვლილებები დიდი ხნის წინ იყო მოსალოდნელი. შესაძლოა, ეს დაკავშირებული იყოს უკრაინის გამოწვევების ახალ პერიოდთან“.
- “ეს არის დიდი სამთავრობო ცვლილებები. ეს საკმაოდ დიდი ხნის წინ იყო მოსალოდნელი. წინ რთული დრო გველის, რთული შემოდგომა და ზამთარი. შესაძლოა, ეს ცვლილებები გარკვეულწილად დაკავშირებულია უკრაინის გამოწვევების ახალ პერიოდთან“, - აღნიშნა ოლექსანდრ მერეჟკომ.
უკრაინის მმართველ რგოლში არსებულ და მოსალოდნელ ცვლილებებზე წერს Bloomberg-იც. როგორც სტატიაში ვკითხულობთ, შესაძლოა “გადადგომის შემდეგ, კულებამ ყურადღება ნატოსთან უკრაინის კავშირების გაძლიერებაზე გაამახვილოს“.
“კულება, რომელმაც თანამდებობის დატოვების შესახებ განაცხადა, ახლა ყურადღებას გაამახვილებს უკრაინის ურთიერთობების გაძლიერებაზე ნატოსთან, რადგან ომით განადგურებული ქვეყანა ბლოკში გაწევრიანებას ცდილობს“, - წერს გაზეთი ანონიმურ წყაროზე დაყრდნობით.
მათვე ინფორმაციით, კულებას უკრაინელი დიპლომატი ანდრეი სიბიგა შეცვლის. ამჟამად სიბიგა საგარეო საქმეთა მინისტრის პირველი მოადგილეა. მანამდე თურქეთში უკრაინის ელჩის თანამდებობა ეკავა.
“სავარაუდოდ, უკრაინის ხელმძღვანელობამ ჩათვალა, რომ ახლა ახალი ენერგიაა საჭირო“, - ასე ეხმაურება ანალიტიკოსი ზურა ბატიაშვილი უკრაინის მთავრობაში საკადრო ცვლილებებს.
როგორც ბატიაშვილმა “ინტერპრესნიუსს“ განუცხადა, უკრაინის ხელმძღვანელობას აქვს ინტელექტუალური და პოლიტიკური რესურსი, შეარჩიოს ახალი სახეები შესაბამის თანამდებობებზე, რომელიც ქვეყანას რუსეთთან მიმდინარე ომში წაადგება.
“არ მგონია, რომ პირადი დაპირისპირება ან პირადი ინტერესები იყოს. უფრო მგონია, რომ მთავარი საკითხი არის ამ ომში უკრაინის შესაძლებლობის უკეთესად გამოყენება. თუ შევხედავთ რომელი მინისტრები გადადგნენ, იყო შეიარაღებაზე პასუხისმგებელი თანამდებობის პირი, ასევე საგარეო საქმეთა მინისტრი. მოგეხსენებათ, უკრაინას დიდი რაოდენობით იარაღი უნდა ეწარმოებინა და დიდი რაოდენობით შეიარაღება უნდა მიეღო, რომელთა მიღებაც სხვადასხვა მიზეზით ფერხდებოდა. ვფიქრობ, ეს არის ძირითადი საკითხი, რადგან ქვეყანა ომშია და გამარჯვებისთვის მას დიდი რაოდენობით შეიარაღება სჭირდება“, - განაცხადა ბატიაშვილმა.
რაც შეეხება მთავარ მოწინააღმდეგეს - რუსეთი ამ ცვლილებებს არაერთგვაროვანი განცხადებით ეხმიანება.
“შემოდგომაა, ფოთოლცვენაა, ტოტები შიშვლდება“, - აღნიშნა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ დმიტრო კულებას გადადგომაზე საუბრისას.
შეგახსენებთ, უკრაინის პარლამენტის სპიკერმა, რუსლან სტეფანჩუკმა დღეს განაცხადა, რომ კულებამ გადადგომის შესახებ განცხადება დაწერა. გუშინ კი სტეფანჩუკმა განაცხადა, რომ თანამდებობებს ტოვებენ უკრაინის ვიცე-პრემიერი ევროპულ და ევროატლანტიკურ სტრუქტურებში ინტეგრაციის საკითხებში, ოლგა სტეფანიშინა, უკრაინის ვიცე-პრემიერი, დროებით ოკუპირებული ტერიტორიების რეინტეგრაციის მინისტრი, ირინა ვერეშჩუკი. მისივე ინფორმაციით, გადადგომის შესახებ განცხადებები ასევე წარადგინეს: უკრაინის მრეწველობის სტრატეგიული დარგების საკითხების მინისტრმა ალექსანდრ კამიშინმა, უკრაინის იუსტიციის მინისტრმა დენის მალიუსკამ და უკრაინის გარემოს დაცვისა და ბუნებრივი რესურსების მინისტრმა რუსლან სტრელეცმა. უმაღლეს რადაში გადადგომის შესახებ განცხადება წარადგინა უკრაინის სახელმწიფო საკუთრების ფონდის თავმჯდომარემ, ვიტალი კვალიმაც.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ვაშაძე დააკავეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
